తెరపైకి బిగ్‌బాస్ 2 నూతన్ నాయుడు... ఆ ఇద్దరు హీరోలతో?

సినిమాల్లోకి నూతన్ నాయుడు

ఇప్పటి వరకు మనం నూతన్ నాయుడుని బుల్లితెరపై మాత్రమే చూశాం. ఫిల్మ్ నగర్ వర్గాల నుంచి అందుతున్న సమాచారం ప్రకారం నూతన్ నాయుడు ఈ సంక్రాంతికి వెండి తెరపై దర్శనమివ్వబోతున్నాడట.

ఎఫ్ 2 సినిమా ద్వారా

అనిల్ రావిపూడి దర్శకత్వంలో వెంకటేష్, వరుణ్ తేజ్ మల్టీ స్టారర్‌గా రూపొందుతున్న ‘ఎఫ్ 2-ఫన్ అండ్ ఫ్రస్టేషన్' సినిమాలో నూతన్ నాయుడు నటిస్తున్నట్లు తెలుస్తోంది. ఈ చిత్రంలో ఆయన ఓ చిన్న కామిక్ రోల్ పోషిస్తున్నట్లు సమాచారం.

అనిల్ రావిపూడి ఐడియా

అనిల్ రావిపూడి తన గత చిత్రం ‘రాజా ది గ్రేట్' చిత్రంలో బిగ్ బాస్ సీజన్ 1 కంటెస్టెంట్ హరితేజను తీసుకున్న సంగతి తెలిసిందే. ఎఫ్ 2లో బిగ్ బాస్ సీజన్ 2 కంటెస్టెంట్ నూతన్ నాయుడుకు సెట్టయ్యే పాత్ర ఉండటంతో అతడిని తీసుకున్నట్లు తెలుస్తోంది.

సంక్రాంతి రిలీజ్

వెంకటేష్, వరుణ్ తేజ్ సరసన తమన్నా, మెహ్రీన్ హీరోయిన్లుగా నటిస్తున్నారు. శ్రీవెంకటేశ్వర క్రియేషన్స్ బేనర్లో దిల్ రాజు నిర్మిస్తున్న ఈ చిత్రం సంక్రాంతికి ప్రేక్షకుల ముందుకు రాబోతోంది.