హోమ్

న్యూస్

బిగ్‌బాస్ తెలుగు సీజన్ 2 ముగియడంతో హోస్ట్‌గా వ్యవహరించిన నాని ఇక బిగ్ బాస్‌కు సెలవు అంటూ ట్వీట్ చేశారు. బిగ్ బాస్ షో చివరి రోజు కావడంతో ఈ నేచురల్ స్టార్ భావోద్వేగంతో స్పందించారు.

ఈ రోజు బిగ్ బాస్ గ్రాండ్ ఫినాలె ... హోస్ట్‌గా నాకు చివరి రోజు. ఇప్పటి వరకు నేను నా బెస్ట్ ఇచ్చాను అనుకుంటున్నాను. ఈ షోను హోస్ట్ చేయడం ఒక అద్భుతమైన అనుభూతి. దీని ద్వారా చాలా నేర్చుకున్నాను. నేర్చుకోలేనివి చాలా ఉన్నాయి... అని నాని తెలిపారు.

ఈ షో ద్వారా నన్ను ఇష్టపడిన వారికి అందరికీ ధన్యవాదాలు. హోస్ట్‌గా నన్ను ఇష్టపడని వారిని థియేటర్లలో కలుస్తాను. బిగ్ బాస్‌కు ఇక సెలవు.... అంటూ గ్రాండ్ ఫినాలె మొదలవ్వడానికి కొన్ని గంటల ముందు నాని ట్వీట్ చేశారు.

#BiggBossTelugu2 pic.twitter.com/kDALbnq8cI

— Nani (@NameisNani) September 30, 2018

నాని ట్వీట్ బట్టి.... ఇదే ఆయన బిగ్ బాస్ షో చివరి హోస్టింగ్ అని, నెక్ట్స్ సీజన్‌ను ఈ నేచురల్ స్టార్ హోస్ట్ చేసే అవకాశం లేదని స్పష్టం అవుతోంది. మరి బిగ్ బాస్ సీజన్ 3గా ఎవరు వస్తారో చూడాలి.