బిపాసా బసు మళ్ళీ తెలుగులో?

By Staff

| Published: Wednesday, October 8, 2008, 16:08 [IST]

బాలీవుడ్ సెక్స్ బాంబ్ బిపాసా గతంలో మహేష్ బాబు హీరోగా వచ్చిన టక్కరి దొంగ సినిమాలో దొంగగా కనిపించి అలరించింది. తర్వాత తెలుగు తెరపై ఆమె దర్శనమే కరువయ్యింది. అయితే ఇప్పుడు మళ్ళీ ఆమె కనపడే అవకాశముందని వినపడుతోంది. రామ్ గోపాల్ వర్మ దర్శకత్వంలో వచ్చి హిట్టయిన గాయం సినిమా సీక్వెల్ లో ఆమెను ఊర్మిళ పాత్రకు అడుగుతున్నట్లు సమాచారం.

అయితే ఆ విషయాన్ని యూనిట్ కన్ఫర్మ్ చేయటం లేదు. ఈ చిత్రం ద్వారా ప్రముఖ ఎడిటర్ శంకర్ శిష్యుడు ప్రవీణ్ శ్రీ దర్శకుడు గా పరిచయమవుతున్నాడు. ఇర సీక్వెల్స్ లో రెగ్యులర్ గా జరిగే కాస్టింగ్ కంటిన్యూషన్ ఈ సినిమాలోనూ చోటుచేసుకోనుంది. జగపతి బాబు హీరోగా కొనసాగే ఈ సినిమాలో రేవతి,సిరివెన్నెల పాత్రలు అలాగే ఉంటాయని తెలుస్తోంది. ఇక బిపాసాని ఆ పాత్రకు తీసుకువస్తే ప్రాజెక్టుకు క్రేజ్ వస్తుందని భావిస్తున్నారు. అలాగే ఈ చిత్రం నవంబర్ నుండి ప్రారంభం కానుంది.