ఆ పావు గంటకి బిపాసా కాస్ట్ రెండు కోట్లు

ఈ సంవత్సరం న్యూ ఇయర్‌కి అత్యధిక పారితోషికం అందుకుంటోన్న నటిగా బిపాషా బసు నిలిచారు. ఆమె ఒక హోటల్‌ వారితో రెండు కోట్ల రూపాయలకు ఒప్పందం చేసుకున్నారు. ఈ కార్యక్రమంలో ఆమె కేవలం 15 నిమిషాలు మాత్రమే వుంటుంది. దాంతో న్యూ ఇయర్‌ ఈవెంట్‌లో అంత తక్కువ సమయానికి రెండు కోట్ల రుపాయల పారితోషికాన్ని తీసుకుంటున్న నాయికగా బిపాషా వార్తల్లో నిలిచారు. అయితే ఈ నెంబర్ వన్ స్ధానం కత్రినాకైఫ్ కి దక్కాల్సి ఉంది. ఆమె సుమారు రెండున్నర కోట్ల రూపాయల ఆఫర్‌ని వదులుకుంది.ఇటీవలే చిన్న సర్జరీ జరగడంతో న్యూ ఇయర్‌ ఈవెంట్‌లో పాల్గొనకూడదని ఆమె నిర్ణయం తీసుకుంది.అందుకు ముందు చేసుకున్న ఒప్పందాన్ని కత్రినాకైఫ్‌ రద్దు చేసుకుంది.

ఈ న్యూ ఇయిర్ వేడుకలు గురించి బిపాసా మాట్లాడుతూ.. నా సోదరి బిదిషా బ్యాంకాక్‌ వెళుతోంది. మా అమ్మానాన్నలు లండన్‌ నుంచి కోల్‌కతాకు వస్తున్న మరో సోదరి బిజోయితా దగ్గరకు వెళుతున్నారు. అందుకే కుటుంబ సభ్యులు లేకుండా ఈ వేడుకలు జరుపుకోవల్సి వస్తోందన్నారు.ఇక ఓ ఫైవ్ స్టార్ హోటల్‌లో డిసెంబరు 31 రాత్రి 15 నిమిషాలపాటు ఆమె నృత్య ప్రదర్శన ఉంటుంది. ఇందులో '70 ల నాటి పాటల్తోపాటు ఆమె నటించిన చిత్రాల హిట్‌ పాటలకు నృత్యం చేస్తుంది. ఆ రోజు బిపాసా ధరించబోయే దుస్తుల్ని ఫ్యాషన్‌ డిజైనర్‌ రాకీ రూపొందిస్తున్నారు. అదే హోటల్‌లో ఆమె తనవాళ్లకి పార్టీ ఇస్తోంది. దానికి జాన్‌ అబ్రహమ్‌ కుటుంబ సభ్యులు,బిపాసా స్నేహితులు మాత్రమే హాజరవుతున్నారు. ఆమె కుటుంబ సభ్యులు ఎవరూ రావట్లేదు.