బర్త్‌డే స్పెషల్: అచ్చుగుద్దినట్లు పవన్ కళ్యాణ్ పోలికే! (ఫోటోస్)

By Bojja Kumar

Published: Wednesday, March 23, 2016, 13:51 [IST]

హైదరాబాద్: పవర్ స్టార్ పవన్ కళ్యాణ్ కూతురు ఆధ్య ఈ రోజు 6వ పుట్టినరోజు వేడుక జరుపుకుంటోంది. ఈ సందర్భంగా ఆధ్యకు సంబంధించిన కొన్ని రేర్ ఫోటోస్ మీ ముందుకు తెస్తున్నాం. పవన్ కళ్యాణ్ చిన్ననాటి ఫోటోస్, ఇప్పటి ఆద్య ఫోటోస్ చూస్తే చాలా పోలికలు కనిపిస్తున్నాయి. అచ్చుగుద్దినట్లు నాన్న పోలికలతో ఉంది ఈ చిన్నారి.

కేవలం రూపంలో నాన్నను పోలి ఉండటం మాత్రమే కాదు....ఆయన అలవాట్లు కూడా చాలా అందిపుచ్చుకుంది. వయసు ఆరేళ్లే అయినా ఇప్పటికే చాలా విద్యలు నేర్చుకుంది. హార్స్ రైడింగ్ చేస్తుంది, పియానో వాయిస్తుంది, ఫుడ్ బాల్ ఆడుతుంది, మట్టితో గణపతి విగ్రహాలు కూడా చేస్తోంది. ఇంత చిన్న వయసులో ఇంత టాలెంట్ ఉండటం చాలా అరుదు. ఎంతైనా పవన్ కళ్యాణ్ జీన్స్ కదా..!

పవన్ కళ్యాణ్, రేణు దేశాయ్ విడిపోవడంతో... ప్రస్తుతం ఆద్య తల్లి వద్దే పూణెలో పెరుగుతోంది. తాను లేని లోటును పిల్లలు ఫీల్ కాకుండా పవన్ కళ్యాణ్ తరచూ ఇక్కడికే వచ్చి కొడుకు, కూతురుతో గడుపుతుంటాడు. పలు సందర్బాల్లో వారు పవన్ కళ్యాణ్ షూటింగ్ లోకేషన్స్ కి వస్తుంటారు.

అద్య, అకీరా స్కూల్ ఫంక్షన్స్‌కి కూడా పవన్ హాజరవుతుంటాడు. భార్య భర్తలుగా తాము విడిపోయినా... తల్లిదండ్రులుగా వారికి ఎలాంటి లోటు రాకుండా చూసుకుంటున్నారు పవన్ కళ్యాణ్, రేణు దేశాయ్. రేణు దేశాయ్ పిల్లల పెంపకం విషయంలో చాలా కేర్ తీసుకుంటున్నారు. పవన్ కళ్యాణ్ ఎంత క్రమశిక్షణగా, ఆదర్శవంతమైన నడవడికతో ఉంటారో..... అవే అలవాట్లు వచ్చేలా రేణు వారిని పెంచుతోంది.

స్లైడ్ షోలో ఆద్యకు సంబంధించిన కొన్ని ఫోటోస్....