నిన్న బాబాయ్ ఈ రోజు అబ్బాయ్..సంబరం!

By Bojja Kumar

Published: Wednesday, December 14, 2011, 13:34 [IST]

దగ్గుబాటి యువ హీరో రాణా ఈ రోజు(డిసెంబర్ 14) 26వ వడి నుచి 27వ వడిలోకి అడుగు పెడుతున్నారు. రాణా నటించబోయే తదుపరి చిత్రం 'కృష్ణం వందే జగద్గురుమ్' చిత్రం కూడా ఇదే రోజు లాంచవుతుండటం విశేషం. ఈ చిత్రానికి జాగర్లమూడి కృష్ణ మూర్తి(క్రిష్) దర్శకత్వం వహిస్తున్నారు. నిన్న రాణా బాబాయ్ విక్టరీ వెంకటేష్ తన తాజా సినిమా బాడీగార్డ్ ఆడియో విడుదల వేడుకతో పాటు పుట్టిన రోజు వేడుక ఒకే వేదికపై జరుపుకోవడం....ఈ రోజు రాణా తన పుట్టిన రోజు వేడుకతో పాటు తన తాజా సినిమా 'కృష్ణం వందే జగద్గురుమ్' సినిమా ప్రారంభం అవడం విశేషం.

'లీడర్' చిత్రం ద్వారా హీరోగా తెరంగ్రేటం చేసిన రాణా ఆ వెంటనే హిందీలో అవకాశం దక్కించుకుని దమ్ మారో దమ్ చిత్రంలో హాట్ బేబీ బిపాస బసుతో రొమాంటిక్ రోల్ పోషించి మంచి మార్కులే కొట్టేశారు. ఆతర్వాత వచ్చిన నేను నా రాక్షసి కాస్త నిరాశ పరిచినా...వరుస అవకాశాలతో దూసుకెలుతున్నాడు రాణా. ప్రస్తుతం రాణా హిందీలో 'డిపార్టుమెంట్' చిత్రంతో పాటు, తెలుగులో నాఇస్టం, కృష్ణం వందే జగద్గురుమ్, తమిళంలో 'వాడ చెన్నయ్' చిత్రాల్లో నటిస్తున్నాడు.

రాణా ఇలాంటి పుట్టిన రోజు వేడుకలు మరెన్నో జరుపుకోవాలని ఆశిస్తూ....వన్ ఇండియా తరుపున రాణాకి పుట్టిన రోజు శుభాకాంక్షలు.