హ్యాపీ బర్తడే టూయూ బాలూ...

By Staff

Published: Wednesday, March 11, 2026, 12:36 [IST]

ఆయన తెలుగు సినిమాకు వరం. అచ్చ తెలుగు పాటకు పర్యాయ పదం. ఆయనది గంధర్వ గానం. అధ్బుతమే ఆయన స్వరం. ఆయనే పండితారాధ్యులు బాల సుబ్రహ్మణ్యం. బాలు అనేది ఆయన్ని అందరూ ప్రేమతో పిలిచే పదం. ఆయన చిత్తూరు జిల్లాలోని కొనేటమ్మ పేటలో 1946 జూన్ 4న జన్మించారు. మొదటి పాట 'ఏమి ఈ వింత మోహం' ని 22 ఏళ్ళ వయస్సులో 'శ్రీశ్రీశ్రీ మర్యాదరామన్న' చిత్రం కోసం పాడారు. ఎస్పీ కోదండపాణి స్వరకల్పనలో 1966 డిసెంబర్ 15న మద్రాసులోని విజయా గార్డెన్స్ రికార్డింగ్ థియోటర్లో ఆ పాటని రికార్డు చేసారు.

అది మొదలు తెలుగు, తమిళ ,మళయాళ, హిందీ,తుళు,బెంగాళి భాషల్లో ఆయన 40 వేలకు పైగా పాటలు పాడారు ...పాడుతూనే ఉన్నారు. అంతే గాక సంగీత దర్శకుడుగానూ 55 చిత్రాలకు పనిచేసి మధురమైన సంగీతాన్ని అందించారు. ఇక నటుడుగా 'మహ్మద్ బీన్ తుగ్లక్' చిత్రంతో తెరంగ్రేటం చేసి ఇప్పటి వరకూ దాదాపు 70 సినిమాల్లో నటించారు. అలాగే డబ్బింగ్ ఆర్టిస్టుగా 'మన్మధ లీల' తో ప్రారంభించి కమల్ హాసన్, భాగ్యరాజా, కుల్ భూషన్ కర్భందా, పరేష్ రావెల్, విసు, టి.రాజేందర్ తదితరులుకు గాత్రదానం చేసి వారి సినిమా విజయాలలో మేజర్ షేర్ పొందారు. ఇప్పుడు ప్రైవేట్ ఛానెల్స్ లో సంగీత ఆధారిత పోగ్రాములలో పాలు పంచుకుంటూ భావి తరాలుకు తన దైనశైలిలో సలహాలు ఇస్తూ...సందేహాలు తీరుస్తూ ముందుకు వెళ్తున్నారు. అలా గాయకుడిగా ...సంగీత దర్శకుడుగా...నటుడుగా...డబ్బింగ్ ఆర్టిస్టుగా...నిర్మాతగా సినీ పరిశ్రమకు అలుపనేది లేకుండా నిరంతరంగా సేవలు అందిస్తూనే ఉన్న ఈ గాన గంధర్వుడుకి దట్స్ తెలుగు పుట్టిన రోజు శుభాకాంక్షలు తెలుపుతోంది.

More from Filmibeat