Don't Miss!
- News పవన్ ను ఆడిస్తున్న చంద్రబాబు-పెళ్ళిళ్లే కాదు సీట్లూ నాలుగే- కాకినాడలో జగన్ కామెంట్స్..!
- Sports SRH playing XI: అతనిపై వేటు..ఢిల్లీతో ఆడే తుదిజట్టు ఇదే
- Technology Lava ProWatch లావా ప్రోవాచ్ డిజైన్, ధర వివరాలు లీక్.. ఫంక్షన్ కీ సహా కీలక హెల్త్ ట్రాకర్లు..!!
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
సినీ హీరో శివాజీపై దాడికి యత్నం.. చేసింది ఎవరంటే?
తెలుగు సినీ నటుడు శివాజీకి చేదు అనుభవం ఎదురైంది. ఆయనపై బీజేపీ కార్యకర్తలు దాడికి ప్రయత్నించడం సంచలనం రేపింది. ఏపీలో ఇలాంటి దాడులు ఇంతకు ముందు జరుగకపోవడం, ప్రత్యేక హోదాపై ఉద్యమిస్తున్న నేతపై దాడికి ప్రయత్నించడం రాజకీయ వర్గాల్లో సంచలనం రేపింది. గత కొద్దికాలంగా ప్రత్యేక హోదా విషయంలో బీజేపీ మోసం చేసిందని శివాజీ విమర్శలు గుప్పిస్తున్న సంగతి తెలిసిందే. ఈ ఘటన వివరాల్లోకి వెళితే..
శివాజీపై బీజేపీ కార్యకర్తల వాగ్వాదం
బుధవారం ఉదయం నటుడు శివాజీ విమానంలో విజయవాడకు చేరుకొన్నారు. గన్నవరం విమానాశ్రయంలో శివాజీకి బీజేపీ కార్యకర్తలు ఎదురుపడ్డారు. ఆయనతో కార్యకర్తలు వాగ్వాదానికి దిగారు. ఆగ్రహం చెందిన కార్యకర్తలు శివాజీపై దాడికి ప్రయత్నించారు.
కన్నా సమక్షంలోనే
బీజేపీ రాష్ట్ర అధ్యక్షుడిగా నియమితులైన కన్నా లక్ష్మీనారాయణ గన్నవరం ఎయిర్పోర్టుకు చేరుకొన్న సందర్భంగానే శివాజీపై దాడి ఘటన చోటుచేసుకొన్నది. కన్నాను ఆహ్వానించేందుకు వచ్చిన కార్యకర్తలు శివాజీపై దాడికి యత్నం చేశారు.
మోదీని తిడుతావా?
ప్రధాని నరేంద్ర మోదీ, బీజేపీపై మండిపడుతున్న శివాజీపై దూషించారు. నోటికి వచ్చినట్టు తిట్టడం కాదని బెదిరించారు. కొంత మంది కార్యకర్తలు శివాజీపైకి దూసుకెళ్లారు. ఆ సమయంలో కొంత మంది ఆయనపై దాడికి యత్నించారు. దీంతో విమానాశ్రయంలో ఉద్రిక్తత నెలకొంది. పోలీసులు సకాలంలో రంగ ప్రవేశం చేసి శివాజీకి రక్షణగా నిలిచారు.
బీజేపీ దాడులకు భయపడను
బీజేపీ కార్యకర్తల తాటాకు చప్పుళ్లకు, బెదిరింపులకు భయపడేది లేదు అని శివాజీ స్పష్టం చేశారు. ప్రత్యేక హోదా కోసం ఎంతవరకైనా సిద్దమే అని అన్నారు. ఏపీకి ద్రోహం చేసిన బీజేపీని వదిలిపెట్టేది లేదు అని శివాజీ అన్నారు.