హోమ్

న్యూస్

విక్టరీ వెంకటేష్ 'బాడీగార్డ్' చిత్రంతో జనవరి 14న ప్రేక్షకుల ముందుకు రాబోతున్నాడు. ఇప్పటికే సెన్సార్ పూర్తి చేసుకున్న ఈ చిత్రం కుటుంబ సమేతంగా చూడదగ్గ క్లీన్ 'U'సర్టిఫికెట్ సొంతం చేసుకుంది. ఈ చిత్రానికి సంబందించిన స్పెషల్ షో ప్రసాద్ లాబ్స్ లో ప్రదర్శించారు. ఈ షోకి వెంకటేష్ తోపాటు పలువురు ప్రముఖులు హాజరయ్యారు. స్పెషల్ షో చూసిన వారి నుంచి వినిపిస్తున్న టాక్ ప్రకారం వెంకటేష్ ఖాతాలో మరో విక్టరీ చేరడం ఖాయం అంటున్నారు. ఇది ఒక రకంగా అభిమానులకు ఆనందకర విషయమే.

ఈ చిత్రంలో వెంకటేష్ త్రిష బాడీగార్డుగా పని చేస్తుంటాడు. తొలి సగ భాగం సినిమా మొత్తం పూర్తి వినోదాత్మకంగా, వెంకటేష్ మార్కు కామెడీతో అభిమానులను గిలిగింతలు పెడుతుంది. కాలేజీ వాతావరణంలో చిత్రీకరించిన సన్నివేశాలు అద్భుతంగా వచ్చాయనే టాక్ వినిపిస్తోంది. సెకండాఫ్ లో కామెడీ పాళ్లు తగ్గి సినిమా ఆసక్తికరంగా సాగుతుంది. సినిమా క్లైమాక్స్ లో చివరి 30 నిమిషాలు వెంకటేష్ టెర్రిఫిక్ యాక్షన్ సీన్లు ఉంటాయి. రామ్ లక్ష్మణ్ అద్భుతంగా ఫైట్స్ కంపోజ్ చేశారనే టాక్ వినిపిస్తోంది. మొత్తం మీద గోపీ చంద్ మలినేని తన మార్కును మరోసారి చాటుకున్నాడని అంటున్నారు. బెల్లకొండ సురేష్ నిర్మించిన ఈ చిత్రానికి థమన్ సంగీతం అందించారు.

ఇప్పటికే బాడీగార్డ్ మలయాళం, హిందీ బాషల్లో నిర్మితం అయిన భారీ విజయం అందుకున్నాయి. వెంకటేష్ నటించిన తెలుగు వెర్షన్ కూడా సంక్రాంతి పండగకు కలెక్షన్ల వర్షం కురిపించడం ఖాయం అనే వార్తలు ఇండస్ట్రీ సర్కిల్స్ లో వినిపిస్తోంది