Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రాజమౌళి కోసం డేట్స్ ఫిక్స్ చేసుకున్న బాలీవుడ్ హీరోయిన్.. మిస్సయితే మళ్ళీ దొరకదట
సినిమా ఇండస్ట్రీలో ప్రస్తుతం షూటింగ్స్ మొదలు పెట్టాలని చాలా మంది దర్శకులు ప్రయత్నాలు చేస్తున్నారు. గతంలో ఎప్పుడు లేని విధంగా షూటింగ్స్ కి గత ఆరు నెలల నుంచి బ్రేకులు పడుతున్నాయి. ఇక తెగించి షూటింగ్స్ స్టార్ట్ చేసిన వారు ఇబ్బందులు ఎదుర్కోక తప్పడం లేదు. ఇక ఫైనల్ గా RRR సినిమా షూటింగ్ స్టార్ట్ చేయాలని దర్శకుడు రాజమౌళి కూడా గట్టిగానే ప్లాన్ చేస్తున్నారు.
ఓ వైపు కరోనా వైరస్ ఇంకా పెరుగుతూనే ఉంది. మరోవైపు స్టార్స్ కూడా రిస్క్ చేయకుడదని స్ట్రాంగ్ గా ఫిక్స్ అయ్యారు. ఇక RRR షూటింగ్ పై ఇటీవల దర్శకుడు రాజమౌళి చిత్ర యూనిట్ తో కాన్ఫరెన్స్ వీడియో కాల్ ద్వారా చర్చలు జరిపినట్లు తెలుస్తోంది. అందులో బాలీవుడ్ స్టార్స్ కూడా పాల్గొన్నారట. ముఖ్యంగా అలియా భట్ షెడ్యూల్ పై జక్కన్న చాలా సేపు మాట్లాడినట్లు సమాచారం. దీంతో అలియా కూడా ఒక ఫైనల్ డిసిషన్ కి వచ్చినట్లు తెలుస్తోంది.
నవంబర్, డిసెంబర్ రెండు నెలలు పూర్తిగా RRRకోసమే కేటాయిస్తానని అందుకు తగ్గట్టు షెడ్యూల్ రెడీ చేసుకోవాలని కూడా ఆమె దర్శకుడికి వివరణ ఇచ్చిందట. ఒకవేళ ఆ నెలలో కుదరకపోతే మళ్ళీ డేట్స్ అడ్జస్ట్ చేయడం చాలా కష్టమవుతుందని ముందుగానే ఒక కండిషన్ కూడా పెట్టినట్లు తెలుస్తోంది. ఎందుకంటే అలియా పూర్తి చేయాల్సిన ప్రాజెక్టులు చాలానే ఉన్నాయి.
RRR కంటే ముందే కొన్ని సినిమాలకు సైన్ చేసిన ఈ బ్యూటీ అగ్రిమెంట్ ప్రకారం ముందు ఒప్పుకున్న సినిమాలు పూర్తి చేయాల్సి ఉంటుంది. ఇక నవంబర్, డిసెంబర్ నెలల్లో ఆమెకు కొంత గ్యాప్ దొరకడంతో RRR సినిమాను పూర్తి చేయాలని అనుకుంటోంది. మరి రాజమౌళి ఏ విధంగా ప్లాన్ చేసుకుంటారో చూడాలి.