అపుడు లవర్స్, ఇపుడు శత్రువులు (ఫోటో ఫీచర్)

సల్మాన్-ఐశ్వర్య

బాలీవుడ్ చరిత్రలో సల్మాన్-ఐశ్వర్యరాయ్ వ్యవహారం ఎప్పటికీ చెరిగిపోదేమో. ఇద్దరు ఒకప్పుడు గాఢమైన ప్రేమికులు. ఏమైందో ఏమో? ఇద్దరి మధ్య మనస్పర్థలు వచ్చాయి. సల్మాన్ తనను శారీరకంగా హింసించాడనే ఆరోపణలు చేసింది ఐశ్వర్య. ఈ ప్రేమ వ్యవహారం ఇద్దరి జీవితాల్లోనూ పీడకలలా మిగిలిపోయింది.

ప్రీతీ జింతా-నెస్ వాడియా

ప్రీతి జింతా, నెస్ వాడియా ఒకప్పుడు ప్రేమికులు. ఇద్దరు పంజాబ్ ఐపీఎల్ టీం ఫ్రాంచైజీలో భాగస్వాములుగా కూడా ఉన్నారు. అయితే ఇద్దరూ విడిపోయారు. ఇపుడు ఒకరంటే ఒకరికి పడనంత శతృత్వం ఇద్దరి మధ్య ఉంది.

అభిషేక్ బచ్చన్-కరిష్మా కపూర్

బాలీవుడ్ స్టార్స్ కరిష్మా కపూర్, అభిషేక్ బచ్చన్ పెళ్లి చేసుకోవాలనుకున్నారు. ఎంగేజ్మెంట్ ఏర్పాట్లు కూడా జరిగాయి. ఎందుకనో విడిపోయారు. అప్పటి నుండి అభిషేక్, కరిష్మాలకు అస్సలు మాట్లాడుకోవడం లేదు.

అక్షయ్ కుమార్, శిల్పా శెట్టి

బాలీవుడ్ స్టార్స్ శిల్పా శెట్టి, అక్షయ్ కుమార్ మధ్య అప్పట్లో ఘాడమైన ప్రేమాయణం సాగింది. ఇద్దరు పెళ్లి చేసుకోవాలనుకున్నారు. కానీ కొన్ని కారణాలతో విడిపోయారు. అప్పటి నుండి ఇద్దరి మధ్య శతృత్వం నెలకొంది.

షాహిద్ కపూర్, కరీనా కపూర్

షాహిద్ కపూర్, కరీనా కపూర్ మధ్య ఎఫైర్ అప్పట్లో ఏ రేంజిలో సాగిందో కొత్తగా చెప్పాల్సిన పని లేదు. వీరి రొమాన్స్ ఎంఎంఎస్ రూపంలో లీక్ అయ్యాయి. తర్వాత ఇద్దరూ విడిపోయారు. ఇపుడు ఒకరంటే ఒకరికి అస్సలు పడదు.

సుస్మితా సేన్-రణదీప్ హుడా

సుస్మితా సేన్ ఇప్పటి వరకు చాలా మందితో ఎఫైర్లు నడిపింది. అయితే రణదీప్ హుడాతో ఆమె ఎపైర్ అప్పట్లో హాట్ టాపిక్. తర్వాత ఇద్దరూ విడిపోయారు. ఇపుడు ఒకరితో ఒకరు కనీసం మాట్లాడుకోవడం లేదు.

వివేక్ ఒబెరాయ్, ఐశ్వర్యరాయ్

హీరోయిన్ ఐశ్వర్యారాయ్, వివేక్ ఒబెరాయ్ మధ్య కూడా ఘాడమైన ప్రేమాయణం సాగింది. అయితే విడిపోయిన తర్వాత ఇద్దరి మధ్య ఒకరితో ఒకరు మాట్లాడుకోలేనంత దూరం పెరిగి పోయింది.

జాన్ అబ్రహం-బిపాసా

బాలీవుడ్ స్టార్స్ జాన్ అబ్రహం, బిపాసా బసు మధ్య లాంగ్ టైం ఎఫైర్ నడిచింది. బిపాసా తీరు నచ్చని జాన్ అబ్రహం ఆమెతో విడిపోయాడు. ప్రియా రాంచల్‌ను పెళ్లాడాడు. ఒకప్పుడు ఇద్దరి మధ్య ఎంత సాన్నిహిత్యం ఉందో ఇపుడు అంతకు మించిన శతృత్వం ఉంది.