రేప్‌ కేసులో దర్శకుడు అరెస్టు!!

ఓ ప్రక్క బాలీవుడ్ షైనీ అహూజా పనిమనిషిని రేప్ చేసిన కేసుని మరిచిపోకముందే మరో రేప్ కేసు నమోదు అయింది. ఇప్పుడిప్పుడే సినిమా ఇండస్ట్రీలో ఎదుగుతున్న ఓ వర్థమాన తారను అత్యాచారం చేసిన కేసులో ఓ సినీ దర్శకుడు అరెస్టు అయ్యాడు. ముంబయిలోని సబర్బన్‌ వెర్సోవాలో ఈ సంఘటన చోటుచేసుకుంది. ఈ వ్యవహారంపై పోలీసులు చెప్పిన వివరాలిలా ఉన్నాయి. రామ్‌కుమార్‌ కుమావత్‌ అనే డైరెక్టరు చిన్న చిన్న సినిమాలకు డైరెక్ట్‌ చేస్తూ ఉంటాడు. ఇతను కొత్తగా నిర్మించబోతున్న సినిమాకు కొత్త నటీనటుల కోసం నిర్వహించిన అడిషన్స్‌లో ఈ 24 ఏళ్ల బాధితురాలిని సెలెక్ట్‌ చేసుకున్నాడు. సినిమాలో అవకాశం ఇస్తానని హామీ ఇచ్చాడు. అయితే దీనిపై ఎటువంటి సమాచారం ఇవ్వకపోవడంతో కొన్ని రోజు తర్వాత ఆమె కుమావత్‌కు ఫోన్‌ చేయగా తన ఆఫీసుకు రావాలని చెప్పాడు. కుమావత్‌ ఆఫీసుకు వెళ్లిన ఆ వర్థమాన నటిపై అతను అత్యాచారానికి పాల్పడ్డాడని, ఈ విషయాన్ని ఎవరికి చెప్పొద్దని చెప్పినట్లు పోలీసులు తెలిపారు. బాధితురాలు ఇచ్చిన ఫిర్యాదు మేరకు కుమావత్‌పై కేసు నమోదు చేసినట్లు చెప్పారు. అతడిని కోర్టుకు హాజరుపరచగా రిమాండు విధించినట్లు చెప్పారు. అలాగే బాధితురాలనిని వైద్య పరీక్షల కోసం ఆసుపత్రికి తరలించినట్లు పోలీసులు తెలిపారు.