Sharukh Khan Injured: షారుక్​కు సర్జరీ.. షూటింగ్​లో​ ప్రమాదం.. ఇప్పుడెలా ఉందంటే?

బాలీవుడ్ స్టార్ హీరో షారూఖ్ ఖాన్ ప్రమాదానికి గురయ్యారు. అమెరికాలోని లాస్ ఏంజిల్స్ లో మూవీ షూటింగులో పాల్గొన్న షార్.. సెట్స్ లో ప్రమాదానికి గురయ్యారని తెలుస్తోంది. ఈ క్రమంలో షారుఖ్ ఖాన్ కు గాయాలయ్యాయి. ముక్కుకు గాయం కావడంతో.. రక్త స్రావం కూడా అయిందని సమాచారం. ఇక షారుఖ్ ఖాన్ కు చిన్నపాటి సర్జరీ కూడా చేయనున్నారు. ఈ విషయం తెలుసుకున్న ఫ్యాన్స్ తీవ్ర ఆందోళనలో ఉన్నారు. ఆ వివరాల్లోకి వెళితే...

యూత్ లో మంచిక్రేజ్...:బాలీవుడ్ స్టోర్ హీరో షారుఖ్ ఖాన్ గురించి ప్రత్యేకంగా చెప్పుకోవాల్సిన అవసరం లేదు. బాలీవుడ్ హీరో అయినా... సౌత్ వారికి పరిచయమే. ఆయన చిత్రాలు డబ్బింగ్ అవుతూ.. ఆ కాలం నుంచే ప్రేక్షకులను అలరిస్తూ వస్తున్నాడు. ఎన్నో ప్రేమకథ చిత్రాలు, యాక్షన్ చిత్రాల్లో నటించి.. మంచి గుర్తింపును పొందాడు షారుఖ్ ఖాన్. ఈ హీరోకు యూత్ లో మంచి క్రేజ్ ఉంది. ఆయన సినిమా వస్తుందంటే... ఎంతో ఆతృతగా ఎదురూ చూస్తుంటారు.

పఠాన్ తో పూర్వ వైభవం:బాలీవుడ్ కరోనా తర్వాత కష్టకాలంలో పడిపోయింది. సరైనా హిట్ లేక అల్లాడిపోతున్న సమయంలో షారుఖ్ ఖాన్ పఠాన్ సినిమాతో ఎంట్రీ ఇచ్చాడు. ఇక అప్పటి వరకు ఉన్న అన్ని సినిమాల రికార్డులు బ్రేక్ చేశాడు కింగ్ ఖాన్. ప్రపంచవ్యాప్తంగా ఈ సినిమా కాసుల వర్షం కురిపించింది. బాహుబలి, కేజీఎప్2, ఆర్ఆర్ఆర్ రికార్డులను పఠాన్ కొల్లగొట్టాడు. పఠాన్ హిట్ తో షారుక్ ఖాన్ ఫుల్ జోష్ లో సినిమాలు చేస్తున్నాడు. ఈ క్రమంలోనే ఆయనకు యాక్సిడెంట్ అయింది.

షూటింగ్లో ప్రమాదం...:అమెరికాలోని లాస్‌ ఏంజిల్స్‌లో ఓ సినిమా షూటింగ్​ జరుగుతుండగా షారుక్ ఖాన్ కు ప్రమాదం జరిగింది. ఈ ప్రమాదంలో ఆయన ముక్కుకు గాయమైందని తెలుస్తోంది. వైద్యులు ఆయనకు శస్త్రచికిత్స చేశారని సమాచారం. దీంతో షారుక్​.. ప్రస్తుతం భారత్‌కు తిరిగి వచ్చారని.. అయితే ఆయన ఆరోగ్యం బాగానే ఉందని అంటున్నారు. ఆపరేషన్ తర్వాత షారుక్ ముక్కుకు కట్టుతో కనిపించాడని సన్నిహత వర్గాలు చెబుతున్నాయి. ఈ నేపథ్యంలో సూపర్ స్టార్ ఇప్పుడు ముంబైలోని తన ఇంటికి తిరిగి వచ్చారని.. కోలుకుంటున్నారని తెలుస్తోంది.

షారుక్ రెండు సినిమాల్లో...:ఇకపోతే ప్రస్తుతం షారుక్‌.. తమిళ దర్శకుడు అట్లీ దర్శకత్వంలో భారీ యాక్షన్ ఎంటర్​టైనర్ సినిమా చేస్తున్న సంగతి తెలిసిందే. ఈ సినిమాకు జవాన్‌ అని పేరు పెట్టారు. ఈ సినిమా సెప్టెంబర్‌ 7న ప్రపంచవ్యాప్తంగా థియేటర్లలో రిలీజ్ కానుంది. ఈ చిత్రంలో షారుక్‌ సరసన నయనతార నటిస్తోంది. ఇంకా మూవీలో విజయ్‌ సేతుపతి, సన్యా మల్హోత్రా, ప్రియమణి ప్రధాన పాత్రలు పోషిస్తున్నారు. బాలీవుడ్‌ స్టార్‌ హీరోయిన్ దీపికా పదుకొణె గెస్ట్ రోల్​లో కనిపించనుంది. ఈ సినిమాలో సంజయ్​ దత్​ విలన్​ రోల్ చేస్తున్నాడు. ఇక ఈ ప్రాజెక్ట్​తో పాటు రాజ్‌కుమార్‌ హిరాణీ దర్శకత్వంలో డంకీలోనూ నటిస్తున్నారు.