రీమేక్ చెయ్యకుండా ఉంటేనే మేలు!!

By Staff

| Published: Monday, November 3, 2008, 17:05 [IST]

చిన్న సినిమాలలో పెద్ద విజయం పొందిన బాలివుడ్ చిత్రం వెడ్నస్ డే. అయితే ఈ సినిమా ఇప్పుడు తెలుగులోకి రాబోతోంది. నిర్మాతగా మారిన ఓ పారిశ్రామిక వేత్త పాతిక లక్షలు చెల్లించి ఈ సినిమా రైట్స్ పొందినట్లు తెలుస్తోంది. అయితే నసీరుద్దీన్ షా పాత్రకు కె.విశ్వనాధ్,అనుపమ్ ఖేర్ పాత్రకు ప్రకాష్ రాజ్ అయితే ఎలా ఉంటుందని వారు ఆలోచిస్తున్నారని సమాచారం. మరో ప్రక్క రైట్స్ సమస్య లేకుండా ఈ సినిమాను కొద్దిగా మార్చి పోసాని కృష్ణ మురళి ప్రధాన పాత్రలో చేయటానికి కొందరు సన్నాహాలు చేస్తున్నారు.

సామాన్యుడు ఆక్రందన థ్రిల్లర్ జెనర్లో చెప్పటం ఈ సినిమా స్పెషాలిటీ. అయితే కొందరు సినీ ప్రియులు మాత్రం ఈ సినిమాని రీమేక్ చేసి ప్లేవర్ పోగొట్టకుండా ఉండటమే మేలని భావిస్తున్నారు. ఎందుకంటే గతంలో ఎన్నో పరభాషా హిట్ సినిమాలు రీమేక్ లుగా వచ్చి బోల్తా కొట్టడం తెలిసిందే. అయితే అంత డబ్బు పోసి కొనుక్కున్న సినిమాని రీమేక్ చేయకుండా ఉంటారా. ఇక ఈ సినిమాకి టైటిల్ గా బుధవారం అని పెడతారా అనిమరికొంతమంది ఆసక్తిగా ఎదురుచూస్తున్నారు.