బాలీవుడ్ 'మగధీర' హృతిక్?

By Staff

Published: Sunday, August 30, 2009, 11:17 [IST]

టాలీవుడ్ లో రికార్డులను తిరగరాస్తూ, తెలుగు సినిమా సత్తాను దేశానికి చాటిచెప్పిన చిత్రం 'మగధీర'. ప్రస్తుతం తమిళంలోకి అనువదించబడుతున్న ఈ చిత్రాన్ని హిందీలో పునర్నిర్మించాలని చిత్ర నిర్మాత అల్లు అరవింద్ ప్రయత్నిస్తున్నట్టు సమాచారం. విశ్వసనీయ కథనం ప్రకారం ఇందులో హృతిక్ రోషన్ ని కథానాయకుడిగా నటింపజేయాలని ఆయన ప్రయత్నిస్తున్నట్టు తెలిసింది.

గీతా ఆర్ట్స్ బ్యానర్ పైన ఈ చిత్రం తెరకెక్కనుంది. ఎలాగూ ఈ బ్యానర్ పైన వచ్చిన 'గజిని' చిత్రం విజయవంతం అవడంతో పాటు అమీర్ ఖాన్ వంటి స్టార్ హీరో నటించడంతో, తదుపరి చిత్రంలో నటించడానికి హృతిక్ కూడా సుముఖంగానే వున్నట్టు తెలిసింది. తెలుగులో 'మగధీర'ను మలచిన 'జక్కన్న' రాజమౌళే ఈ చిత్రానికి కూడా దర్శకత్వం వహించే అవకాశం వుంది.

ఇక దక్షిణాదిన విజయవంతం అయిన 'గజిని' చిత్రాన్ని హిందీలో తీస్తూ ఆ చిత్రనాయిక అసిన్ చేతనే హిందీలో కూడా నటింపజేసిన అల్లు అరవింద్, మిత్రవిందగా అధ్భుతంగా నటించిన కాజల్ నే హిందీ వెర్షన్ లో కూడా నటింపజేయనున్నట్టు సమాచారం.

More from Filmibeat