అల్లు అర్జున్ చిత్రం హిందీ రీమేక్ ఖరారు...డిటేల్స్

By Srikanya

| Published: Tuesday, December 17, 2013, 8:10 [IST]

హైదరాబాద్ : ఇప్పుడు సౌత్ చిత్రాలకు బాలీవుడ్ లో విపరీతమైన డిమాండ్ ఉంది. ముఖ్యంగా ఇక్కడ హిట్ సినిమాలను కోట్లు పోసి మరీ వారు కొనుక్కుంటుని రీమేక్ చేస్తున్నారు. తాజాగా అల్లు అర్జున్ చిత్రం ఒకటి హిందీలో రీమేక్ అవటానికి రంగం సిద్దమైంది. అది మరేదో కాదు. సుకుమార్ దర్శకత్వంలో అల్లు అర్జున్ హీరోగా చేసిన ఆర్య చిత్రం.

2004 లో రిలీజైన ఈ ఆర్య చిత్రం అప్పట్లో సంచలన విజయం సాధించింది. నా ప్రేమను ఫీలవ్వు చాలు అంటూ హీరోయిన్ వెనక తిరుగుతూ ఆర్య చేసే అల్లరి సినిమాని ఎక్కడికో తీసుకు వెళ్లింది. ఇన్నాళ్లకు ఆ చిత్రం హిందీలో రీమేక్ కానుంది. కుమార్ తరౌని ఈ చిత్రం రైట్స్ తీసుకున్నారు.

ఈ మధ్యనే కుమార్ తరౌని తన కుమారుడు గిరీష్ తరౌనిని ఇటీవలే రామయ్యా వస్తావయ్యా సినిమాతో హీరోగా పరిచయం చేసాడు. ఈ సినిమా కూడా తెలుగులో వచ్చిన నువ్వొస్తానంటే నేనొద్దంటానా సినిమాకి రీమేక్. ప్రభుదేవా దర్శకత్వం వహించిన ఈ చిత్రం భాక్సాఫీస్ వద్ద డిజాస్టర్ ఫలితం పొందింది. ఇప్పుడు హిందీ రీమేక్ ఆర్య సినిమా కు దర్శకుడుగా సుకుమార్ ని అడుగుతున్నట్లు తెలుస్తోంది. అయితే ఇంకా మ్యాటర్ ఫైనలైజ్ కాలేదని తెలుస్తోంది.

Comments

English summary

 Girish Kumar is all set to play the lead in the Hindi remake of Arya, sources said. His father, Kumar Taurani will be the producer of this movie. According to sources, the remake is to line up on the floors very soon. It is evident that Arya gave the first grand hit to Allu Arjun. It was a block buster hit for uniqueness in its theme and storyline. Conversely, when the film was remade in Tamil with Dhanush as the protagonist, it gave adverse results.

Story first published: Tuesday, December 17, 2013, 8:10 [IST]

Other articles published on Dec 17, 2013