సినీ తారల రహస్య వివాహాలు (ఫోటో ఫీచర్)

By Bojja Kumar

Published: Tuesday, April 22, 2014, 19:16 [IST]

ముంబై: మనిషి జీవితంలో వివాహానికి ఉన్న ప్రాముఖ్యత ఎలాంటి అందరికీ తెలిసిందే. అందుకే ఈ వేడుకను అత్యంత వైభవంగా జరుపుకుంటారు అంతా. ఎవరి రేంజికి తగిన విధంగా వారు తమకు ఉన్నంతలో అంగరంగ వైభవంగా జరుపుకోవడం పరిపాటి. అయితే ఈ మధ్య కొందరు సినీతారలు మాత్రం విభిన్నంగా ప్రవర్తిస్తున్నారు.

చాలా మంది స్టార్స్ తమ వివాహాలను గుట్టు చప్పుడు కాకుండా, మీడియాకు...సాధారణ జనాలకు తమ వివాహం విషయం తెలియకుండా జరుపుకుంటున్నారు. తీరా తంతు ముగిసిన తర్వాత పెళ్లి జరిగిన విషయాన్ని బయట పెడుతున్నారు. ఎందుకు ఇలా అంటే...? ముందు విషయం బయటకు తెలిస్తే అభిమానులు, మీడియా మూలంగా ఇబ్బందులు ఎదుర్కోవాల్సి వస్తుందనే ఉద్దేశ్యంతోనే ఇలా చేయాల్సి వస్తుందని అంటున్నారు స్టార్స్.

అలా రహస్యంగా వివాహం చేసుకున్న సినీ తారల గురించి స్లైడ్ షోలో ఓ లుక్కేద్దాం...

జాన్ అబ్రహం

బాలీవుడ్ స్టార్ జాన్ అబ్రహం ఎవరికీ తెలియకుండా రహస్యంగా తన గర్ల్ ఫ్రెండ్ ప్రియాం రాంచల్‌ను పెళ్లాడారు. పెళ్లయిన చాలా చాలం తర్వాత న్యూఇయర్ సందర్భంగా ఈ విషయాన్ని ట్విట్టర్ ద్వారా బయట పెట్టారు.

అమీర్ ఖాన్

తొలుత తన చిన్ననాటి స్నేహితురాలు రీనాను పెళ్లాడిన అమీర్ ఖాన్, తర్వాత ఆమెతో విడిపోయారు. అనంతరం దర్శకురాలు కిరణ్ రావును రహస్యంగా వివాహం చేసుకున్నారు.

అక్షయ్ కుమార్

పెళ్లికి ముందు అక్షయ్ కుమార్‌కు చాలా మంది హీరోయిన్లతో సంబంధాలు ఉన్నట్లు వార్తలు వచ్చాయి. చివరకు ఆయన ట్వింకిల్ ఖన్నాను పెళ్లాడారు. వీరి వివాహం గుట్టు చప్పుడు కాకుండా 2001లో కేవలం కుటుంబ సభ్యుల సమక్షంలో రహస్యంగా జరిగింది.