హోమ్

న్యూస్

అరుంధతి చిత్రంలో సోనూ సూద్ కి డబ్బింగ్ చెప్పి పేరు తెచ్చుకున్న బొమ్మాళి రవికి దశ తిరిగినట్లుంది. ఇన్నాళ్ళూ తెర వెనుక ఉండి డైలాగులు చెప్పిన ఆయన కుర్రాడు చిత్రంలో మెయిన్ విలన్ గా తెరపైకి వచ్చారు. ఆ చిత్రం వర్కవుట్ కాకపోయినా ఆఫర్స్ కి మాత్రం లోటు లేదు. తాజాగా పూరీ జగన్నాధ్ తాజా చిత్రం గోలీమార్ లో ఆయన విలన్ గా సెలక్ట్ అయ్యారని సమాచారం. గోపీచంద్ హీరోగా చేస్తున్న ఆ సినిమాలో విలన్ పాత్ర హైలెట్ అవుతుందంటున్నారు. అందులోనూ విలన్ పాత్రలను హీరోలతో సమానంగా ప్రత్యేక శ్రద్ధతో తీర్చి దిద్దే పూరి దర్శకత్వంలో కాబట్టి మంచి లైప్ వచ్చినట్లే అంటున్నారు. ఇక గోపీచంద్ ఈ చిత్రంలో ఎనకౌంటర్ స్పెషలిస్ట్ గా కనిపించనున్నారు. ప్రముఖ ఎనకౌంటర్ స్పెషలిష్టు దయానాయక్ జీవిత చరిత్ర ఆధారంగా ఈ చిత్రాన్ని రూపొందింస్తున్నట్లు పూరీ చెప్తున్నారు. శంఖం తర్వాత గోపీచంద్ కమిటయిన చిత్రం ఇదే. అలాగే పూరీ తన ఏక్ నిరంజన్ అనంతరం చేస్తున్న చిత్రం ఇది.