నాగార్జున నెక్ట్స్ డైరక్టర్?

By Staff

Published: Tuesday, January 13, 2009, 16:19 [IST]

కింగ్ నిర్మాత శివ ప్రసాద్ రెడ్డికి నాగార్జున నెక్ట్స్ సినిమాకి డేట్స్ ఇచ్చాడన్న సంగతి తెలిసిందే.అయితే ఆ సినిమాను బోయపాటి శ్రీను డైరక్ట్ చేయనున్నట్లు సమాచారం. భద్ర,తులసి చిత్రాల తర్వాత లాంగ్ గ్యాప్ వచ్చిన శ్రీను ఓ యాక్షన్ ధ్రిల్లర్ సబ్జెక్టుతో నాగార్జునని కలిసి ఓకే చేయించుకున్నాడని విశ్వసనీయంగా తెలిస్తోంది. మొదట బాలకృష్ణ డేట్స్ ఇస్తారని, ఆ తర్వాత గోపీచంద్ తో ప్రారంభమయిపోతుందని వార్తలు వచ్చిన నేపధ్యంలో నాగార్జునతో సినిమా ఓకే అవటం అతని శ్రేయాభిలాషుల్లో సంతోషం కలిగిస్తోందని చెప్తున్నారు.

ఇక కొంత కాలంగా పూర్తిగా స్క్రిప్టు పైనే ఉన్న శ్రీను ఈ సారి ఎట్టి పరిస్ధితుల్లోనూ హిట్ కొట్టాలనే పట్టుదలతో ఉన్నట్లు తెలుస్తోంది. తులసి టేకింగ్ పరంగా బావున్నా..ఊహించినంత హిట్ కాకపోవటానికి కారణం కేవలం స్క్రిప్టు లోపాలే అని తెలుసుకున్న బోయపాటి ఆ పనిమీదే కుస్తీ పట్టి వస్తున్నాడంటున్నారు. అలాగే నాగార్జున కూడా కొంత వైవిధ్యంతో సాగే కథను చేయాలని కాస్త రొమాంటిక్ కామిడీలకు బ్రేక్ ఇవ్వాలని యోచిస్తున్నట్లు సమాచారం. బెస్టాఫ్ లక్ బోయపాటి.

More from Filmibeat