'లయిన్' గా నాగ్?

కింగ్ చిత్రంతో మాస్ ని మరో సారి అలరించిన నాగార్జున లయిన్ అనే చిత్రం చేయబోతున్నారని తెలుస్తోంది. తులసి,భద్ర చిత్రాలతో యాక్షన్ తో కూడిన ఫ్యామిలీ చిత్రాలు తీయటంలో సిద్దహస్తుడనిపించుకున్న బోయపాటి శ్రీను ఈ సినిమాని డైరక్ట్ చేయనున్నాడని సమాచారం. అలాగే కింగ్ చిత్రాన్ని నిర్మించిన డి.శివప్రసాద్ రెడ్డే ఈ చిత్రాన్ని నిర్మిస్తున్నారని విశ్వసనీయ సమాచారం. అసలు ఇంతకు ముందు బోయపాటి బాలకృష్ణకు,గోపీచంద్ కీ కథలు చెప్పి ఉన్నాడు.

అయితే వారి డేట్స్ ఖాళీ లేకపోవటం ఆ ప్రాజెక్టులు మెటీరియలైజ్ కాలేదు. మరో ప్రక్క నాగార్జున..శేఖర్ కమ్ములతో ఓ రొమాంటిక్ కామిడీ చిత్రాన్ని ప్లాన్ చేసారు. అయితే రామానాయుడు మనవడు రాణా సినిమాకి ఆయన కమిట్ అవ్వటంతో అంతకు ముందు కథ చెప్పిన బోయపాటికి అవకాశమిచ్చినట్లు తెలుస్తోంది. ఇక ఈ చిత్రంలో నాగ్ సరసన ఇద్దరు హీరోయిన్స్ చేసే అవకాశముందని వినికిడి. తక్కువ షెడ్యూల్స్ లో సినిమాను రెగ్యులర్ షూట్ చేసి సమ్మర్ కి ప్లాన్ చేయటానికి సన్నాహాలు చేస్తున్నట్లే చెప్పుకుంటున్నారు. బెస్టాఫ్ లక్ బోయపాటి.