Don't Miss!
- News ఏడాది పొడవునా శశ రాజయోగం.. ఈ రాశులకు డబ్బే డబ్బు
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
ఒబామాను వదలని బ్రహ్మీ ఫ్యాన్స్
బ్రహ్మానందంపై అభిమానమో..? లేక ఈయన్ను అడ్డం పెట్టుకుని ఇతరులను వెర్రి వెంగలప్పలను చేయాలనే ఆలోచనో ఏమోగానీ కొంత మంది నెట్ ఆకతాయిలు తెలుగు కామెడీ స్టార్ బ్రహ్మానందం ఫేసుతో ఓ ఆట ఆడుకుంటున్నారు. ప్లాపయిన సినిమాల హీరోలే వీళ్ల టార్గెట్. ఆ మధ్య బద్రీనాథ్ ప్లాపు కావడంతో...అల్లు అర్జున్ ఫోటోకు బ్రహ్మీ ఫేసును మార్ఫింగ్ చేసి 'బ్రహ్మీనాథ్" అనే టైటిల్ తగిలించి సోషల్ నెట్వర్కింగ్ సైట్లలోకి వదిలారు.
మొన్నటికి మొన్న 'దడ" సినిమా ప్లాపయిన నేపథ్యంలో దానికి పేరడీగా 'వడ" అనే టైటిల్ తగిలించారు. ఈ విధంగా పలు ప్లాపు సినిమాలకు బ్రహ్మీ పేరుతో పేరడీ చేయడం మొదలు పెట్టారు. అయితే ఈ మధ్య రూటు మార్చిన బ్రహ్మీ అభిమానలు....సినిమా రంగం బయటి వ్యక్తుల కూడా వదలడం లేదు. నిన్నటికి నిన్న అన్నా హజారే ఫోటోకు బ్రహ్మానందం ఫోటోను మార్ఫింగ్ చేసి 'బ్రహ్మీ బజారే" అనే టైటిల్ తగిలించి ఫేస్ బుక్ లోకి వదిలారు. తాజాగా అమెరికా అధ్యక్షుడు బరాక్ ఒబామా ఫోటోకు బ్రహ్మీ ఫేసు తగిలించి 'బరాక్ బ్రహ్మం" అంటూ పేరడీ చేశారు. ఈ విధంగా బ్రహ్మీ అభిమాన నెట్ ఆకతాయిలకు ఇంకెంత మంది బలౌతారో...?