సైంటిస్ట్ పాత్రలో నవ్వించనున్న బ్రహ్మానందం (ఫోటోస్)

అపుడు సచిన్, ఇపుడు బ్రహ్మీ

ఒకప్పుడు ఇండియన్ క్రికెట్ టీంలో సచిన్ ఆడుతున్నాడా? ఔటయ్యాడా? అనే ప్రశ్నలు కోట్లాది అభిమానుల నుండి వచ్చేవి. ఇపుడు అదే స్థాయిలో తెలుగు సినిమాల్లో బ్రహ్మానందం న్నాడా? లేడా? అని మరీ అడిగి సినిమాకు వెళుతున్నారు ప్రేక్షకులు అని వ్యాఖ్యానించారు నిర్మాత.

బ్రహ్మీ స్టామినా

బ్రహ్మానందంగారిని మా చిత్రంలో అద్భుతమైన సైంటిస్ట్ పాత్రలో నటించడం మాకెంతో ఆనందాన్ని ఇస్తుంది. ఇటీవల జరిగిన ‘ఆగడు' చిత్రం ఆడియో ఫంక్షన్ లో ప్రముఖ దర్శకుడు శంకర్ నేను బ్రహ్మానందంగారి వీరాభిమానిని అని చెప్పడంతో బ్రహ్మానందంగారి స్టామినా ఏమిటో అర్థమయింది. ఇలా చెప్పుకుంటూ పోతే ఎంత చెప్పినా తక్కువే అన్నారు.

ఆదిత్య సినిమా..

అభ్యుదయవాదిగా సుమన్, ప్రిన్సిపల్ గా ఎమ్మెస్ నారాయణ మా చిత్రంలో నటిస్తున్నారు. అన్ని కార్యక్రమాలు పూర్తి చేసుకుని ఈ నెలాఖరుకు ఆడియో విడుదల చెయ్యాలని ప్లాన్ చేస్తున్నాము. విద్యార్థుల అంతర్గత సంఘర్షణ, సృజనాత్మక శక్తిని గమనించి బాల్యదశలోనే విద్యార్థుల సృజనాత్మక శక్తిని పెంపొందిస్తే భవిష్యత్తులో వాళ్లు మంచి పౌరులుగా ఎదుగుతారనే ఆశయంతో చిత్ర నిర్మాణం ప్రారంభించాం' అన్నారు.

ఇతర నటీనటులు

బ్రహ్మానందం ముఖ్య పాత్ర పోషిస్తున్న ఈ చిత్రంలో చాలా మంది బాలనటీనటులు ముఖ్యపాత్రలు పోషిస్తున్నారు. సుమన్, ఎం.ఎస్.నారాయణ, జబర్దస్త్ రాఘవ, పింకీ, జాకీ, ముఖ్య పాత్రల్లో నటిస్తున్నారు. ఈ చిత్రానికి కెమెరా: కందేటి శంకర్, ఆర్ట్: భాస్కర్, డాన్స్: స్వర్ణ, మరణ, ఎడిటింగ్: నందమూరి హరి, కథ-మాటలు-నిర్మాణం-దర్శకత్వం: సుధాకర్ గౌడ్ భీమగాని.