బ్రహ్మానందం స్పెషల్ గిప్ట్.. 45 రోజుల కఠోర శ్రమ అంటూ బన్నీ ఎమోషనల్

సోషల్ మీడియాలో వైరల్..

లాక్డౌన్ సమయంలో బ్రహ్మానందం సోషల్ మీడియాలో హాట్ టాపిక్ అయ్యాడు. సోనూ సూద్ దాన ధర్మాలపై బ్రహ్మానందం సెన్సేషనల్ కామెంట్స్ చేశాడు. నాకు ఇలా ఫోటోలు దిగాలని, చేసినవన్నీ చెప్పుకోవాలని తెలీదు అంటూ కామెంట్ చేశాడు. గుప్త దానం గురించి బ్రహ్మానందం చెప్పిన మాటలు బాగానే వైరల్ అయ్యాయి. అంతే కాకుండా తన ఆర్ట్‌తో సోషల్ మీడియాను షేక్ చేశాడు.

దేవుళ్ల బొమ్మతో..

దేవుళ్ల బొమ్మలను గీస్తూ బ్రహ్మానందం అందరినీ ఆశ్చర్యపరిచాడు. ఆ మధ్య శ్రీరాముడు, ఆంజనేయుడు బొమ్మలను గీసి అబ్బురపరిచాడు. ఆగస్ట్ 15న భారతదేశం బొమ్మను గీసి దేశ భక్తిని చాటాడు. ఇలా ప్రతీ సారి ఏదో ఒక సందర్భంలో తనలోని బ్రహ్మ సృష్టిని బయటకు తీస్తున్నాడు. బాపు గీసన బొమ్మలా ఎంతో అందంగా ఆర్ట్ వేస్తున్నాడు.

తాజాగా ఇలా..

బ్రహ్మానందం ఈ నూతన సంవత్సరం సందర్భంగా మరోసారి అందరినీ ఆశ్చర్యపరిచాడు. శ్రీ వెంకటేశ్వర స్వామి రూపాన్ని తన చేతులతో గీశాడు. పూజారి ఎంతో నిష్టగా పూజలు చేస్తున్నట్టుగా ఏడు కొండల స్వామిని బ్రహ్మానందం గీశాడు. కుంచె పట్టని బ్రహ్మానందం.. ఇలా పెన్సిల్‌తో స్కెచ్ వేసి అందరినీ ఆశ్చర్యపరుస్తున్నాడు.

బన్నీకి గిఫ్ట్..

బ్రహ్మానందం తాను గీసిన వెంకటేశ్వరస్వామి బొమ్మను అల్లు అర్జున్‌కు బహుమతిగా పంపాడు. దాన్ని చూసిన బన్నీ ఎమోషనల్ అయ్యాడు. నాకెంతో ఇష్టమైన బ్రహ్మానందం గారి నుంచి ఇలాంటి అద్భుతమైన గిఫ్ట్ వచ్చింది.. నాకు వచ్చిన గిప్ట్‌లన్నింటిలో ఇదే గొప్పది.. 45 రోజలు కఠిన శ్రమ.. చేతితో వేసిన ఈ పెన్సిల్ స్కెచ్ ఎంతో బాగుంది ధన్యవాదాలని బన్నీ ట్వీట్ చేశాడు.