బ్రహ్మి మననిక నవ్వించడా?

By Staff

Published: Friday, March 13, 2026, 15:43 [IST]

తెలుగులో స్టార్ కమెడియన్ ఎవరంటే కళ్ళు మూసుకుని ఎవరైనా చెప్పే సమాధానం బ్రహ్మానందం. ఆయన లేని తెలుగు సినిమాని ఊహించటం కష్టం.అందులోనూ ఈ మధ్య ఢీ,కృష్ణ,రెడీ ల నుంచి మరీ రెచ్చిపోయి నవ్వించేస్తుండటంతో మిగతా దర్శక,రచతలు ఆయనను దృష్టిలో పెట్టుకుని కథలు అల్లుతున్నారు. కొంతమందైతే ఆయన్ని హీరోగా సినిమాలు ప్లాన్ చేస్తున్నారు.వీళ్ళంతా నిరాశపడే అవకాశాలు ఉన్నాయని వార్తలు వినపడుతున్నాయి. అందులోనూ ఆయన కొత్త సినిమాలు ఏవీ ఒప్పుకోవటంలేదని తెలుస్తోంది.

అలాగే కమిటయ్యిన సినిమాలన్నీ ఈ సంవత్సారాంతానికి పూర్తి చేయాలని నిర్ణయించుకున్నట్లు పరిశ్రమ వర్గాలు గుసగసలాడుతున్నారు. అసలు ఎందుకీ తీవ్ర నిర్ణయం హఠాత్తుగా తీసుకున్నారు అంటే రాబోయే చిరంజీవి రైల్ లో ఆయనకు సీటు కన్ఫర్మ్ అయిందని విశ్వసనీయ వర్గాలు వెళ్ళడిస్తున్నాయి. అయితే అత్తిలి నుండి పోటీ చేస్తారా మరోచోటు నుంచా అన్నది సస్పన్స్ అయితే ఆయనకు చిరుకు ఉన్న ర్యాప్ అందరు గుర్తు చేసుకోతగ్గది. ఇక తెరపై నవ్వులు పండించే ఆయన రాజకీయ జీవితంలోనూ అదే స్ధాయిలో సేవ చేసి అభిమానులను ఆనందింపచేస్తారా అన్నది ఆయన ముందున్న అతి పెద్ద సవాల్.

More from Filmibeat