Don't Miss!
- Sports IPL 2024: ధోనీపై గంభీర్ అక్కసు.. మండిపడుతున్న చెన్నై ఫ్యాన్స్!
- News అపార్ట్ మెంట్ లో మహిళ స్నానం చేస్తుంటే సెక్యూరిటీ గార్డు ?, పిల్లర్ కు కట్టేసి పిండేసి, అంతే !
- Finance Jio Financial Services: జియో ఫైనాన్షియల్ సర్వీసెస్ ఫలితాలు..
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Lifestyle లివర్ వ్యాధి లక్షణాలు ఇవే.. వెంటనే అప్రమత్తం కావాలి..
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
సెన్సార్ పూర్తి చేసుకున్న ‘బ్రదర్ ఆఫ్ బొమ్మాళీ’
హైదరాబాద్: ఇ.వి.వి సత్యనారాయణ సమర్పణలో సిరి సినిమా పతాకంపై అమ్మిరాజు కానుమల్లి నిర్మిస్తున్న హిలేరియస్ కామెడీ ఎంటర్టెనర్ ‘బ్రదర్ ఆఫ్ బొమ్మాళీ'. అల్లరి నరేష్-మోనాల్ గజ్జర్ జంటగా నటిస్తున్న ఈ చిత్రంలో నరేష్ ట్విన్ సిస్టర్గా ‘రంగం' ఫేం కార్తీక నటిస్తోంది. ‘వీడు తేడా' ఫేం బి.చిన్ని దర్శకుడు. తాజాగా ఈ చిత్రం సెన్సార్ కార్యక్రమాలను పూర్తి చేసుకుని ‘యు/ఎ' సర్టిఫికెట్ సొంతం చేసుకుంది. సెన్సార్ కార్యక్రమాలు పూర్తి కావడంతో ఈ చిత్రాన్ని నవంబర్ 7న విడుదల చేయడానికి చిత్ర యూనిట్ సన్నాహాలు చేస్తుంది.
ఈ సందర్బంగా చిత్ర నిర్మాత అమ్మిరాజు కానుమల్లి మాట్లాడుతూ..‘బ్రదర్ ఆఫ్ బొమ్మాళీ' సెన్సార్ పూర్తయింది. ‘యు/ఎ' సర్టిఫికెట్ పొందింది. సినిమాను నవంబర్ 7న విడుదల చేయడానికి సన్నాహాలు చేస్తున్నాం. సెన్సార్ సభ్యులు చిత్రాన్ని చూసి చాలా బాగుందని మెచ్చుకున్నారు. ‘బ్రదర్ ఆఫ్ బొమ్మాళీ' అల్లరి నరేష్ కెరీర్లో ఓ మైలురాయిగా నిలిచిపోతుంది. కామెడీతో పాటు కుటుంబ బాంధవ్యాలకు కూడా పెద్ద పీఠ వేస్తూ ‘బ్రదర్ ఆఫ్ బొమ్మాళీ' చిత్రాన్ని దర్శకుడు బి.చిన్ని చక్కగా తెరకెక్కించారు' అన్నారు.
హర్షవర్ధన్ రాణె, బ్రహ్మానందం, అలీ, జయప్రకాష్ రెడ్డి, నాగినీడు, వెన్నెల కిషోర్, శ్రీనివాస్ రెడ్డి, అభిమన్యు సింగ్, కెల్లీ డార్జ్ తదితరులు ఇతర ముఖ్య పాత్రలు పోషిస్తున్న ఈ చిత్రానికి సంగీతం: శేఖర్ చంద్ర, సాహిత్యం: భాస్కరభట్ల, ప్రెస్ రిలేషన్స్: వంశీ-శేఖర్, ఎడిటర్ : గౌతం రాజు, పోరాటాలు: రామ్-లక్ష్మణ్, ఛాయాగ్రహణం: విజయ్ కుమార్ అడుసుమిల్లి, కథ: విక్రమ్ రాజ్, కార్యనిర్వాహక నిర్మాత: వల్లూరిపల్లి వెంకటేశ్వర్రావు, నిర్మాత: అమ్మిరాజు కానుమల్లి, స్క్రీన్ ప్లే-దర్శకత్వం: బి.చిన్ని.