Don't Miss!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Sports RR vs DC: చరిత్ర సృష్టించిన రిషభ్ పంత్.. ఒకే ఒక్కడిగా..!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మెగా న్యూస్: చిరంజీవి నాలుగు సెకన్లు కనిపిస్తారు
హైదరాబాద్: చిరంజీవి అభిమానులకు శుభవార్తే ఇది. బ్రూస్ లీ చిత్రంలో ఆయన కనిపించనున్నారు అనగానే సినిమాపై అంచనాలు రెట్టింపు అయ్యాయి. చిరంజీవి ఎలా ఉండబోతున్నారు. స్క్రీన్ ప్రెజన్స్ ఏ విధంగా ఉండబోతోంది అనే విషయం సోషల్ నెట్ వర్కింగ్ సైట్స్ లో మెగాభిమాలలో చర్చలు మొదలయ్యాయి. ఈ నేపద్యంలో వారిలో మరింత ఉత్సుకత రేపటానికి చిరంజీవి పై బ్రూస్ లీ టీజర్ కట్ చేసి వదులుతున్నారని సమాచారం.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
ఈ టీజర్ లో చిరంజీవి లాస్ట్ ఫ్రేమ్ లో కనపడనున్నారు. టీజర్ లోనూ గెస్ట్ గా కనిపించనున్నారన్నమాట. మెగాస్టార్ పై తీసిన సింగిల్ షాట్ మెగాఫ్యాన్స్ ని ఆనందపరచనుందని తెలుస్తోంది. సినిమాలో ఐదు నిముషాలు కనపడతారు. ఇక్కడ నాలుగు సెకన్లు కనపడతారని తెలుస్తోంది.
చిరంజీవి పాత్ర గురించి శ్రీను వైట్ల మాట్లాడుతూ... దాదాపు ఐదు నిమిషాల పాటు కనిపిస్తారు. ఆయన తెరపై కనిపించే విధానం ఒక పండగలా ఉంటుంది. అప్పటిదాకా చూసిన సినిమా ఒకెత్తు, ఆ ఐదు నిమిషాలు మరో ఎత్తు అన్నట్టుగా చిరంజీవి సందడి చేస్తారు. కథ రాసుకొన్నప్పుడే మేం చిరంజీవిగారితోనే ఆ పాత్ర చేయించాలనుకొన్నాం. సినిమాలో హీరో,హీరోయిన్స్ ని కాపాడే ఓ సన్నివేశం ఉంది. అందులోనే చిరంజీవి కనిపిస్తారు. మొదట ఓ పాటలోనూ చూపించాలనుకున్నా కుదర్లేదు అన్నాపు.
చిరంజీవి గెస్ట్ పాత్రలో నటిస్తున్న ఈ చిత్రానికి బిజినెస్ ఓ రేంజిలో జరుగుతోంది. ప్రీ రిలీజ్ బిజినెస్ ...56.45 కోట్ల వరకూ జరగటంతో ట్రేడ్ లో ఇదే చర్చనీయాంశంగా మారింది. నిర్మాతకు టేబుల్ ఫ్రాఫిట్స్ తెచ్చిపెడుతున్న ఈ చిత్రం.
"వేట ఎలా ఉంటుందో నేను చూపిస్తాను. మొదలుపెట్టాక, పూర్తయ్యేవరకూ రిక్వెస్ట్లు వినపడవ్! రియాక్షన్లు కనపడవ్! ఓన్లీ రీసౌండ్!" అంటూ చరణ్ చెప్తూ విడుదల చేసిన ఆయన తాజా చిత్రం డైలాగ్ టీజర్ కు అభిమానులకు పండగే చేసుకున్నారు.
'రామ్చరణ్ లాంటి పెద్ద హీరోతో తొలిసారి నటించా. ఈ సినిమాలో చాలా గ్లామర్గా కనబడ్డానని అందరూ అంటున్నారు. నా లుక్ కోసం దర్శకుడు శ్రీనువైట్ల చాలా కష్టపడ్డారు. చరణ్తో డ్యాన్స్ చేయడం చాలా కష్టం. సాంగ్ షూటింగ్కు రెండు రోజుల ముందు నుంచే సాధన చేసేదాన్ని. ఈ విషయంలో చెర్రీ అన్ని విధాలా సహకరించేవాడు' అని రకుల్ప్రీత్ సింగ్ అన్నారు.
తన తాజా చిత్రం 'బ్రూస్లీ'లో మెగాస్టార్ చిరంజీవితో కలిసి తెరను పంచుకోవడం చాలా ఆనందంగా ఉందని ఆ చిత్ర హీరోయిన్ రకుల్ప్రీత్ సింగ్ అన్నారు. నగరంలోని సినీమ్యాక్స్ బ్లూఫాక్స్లో జరిగిన కార్యక్రమంలో ఆమె మీడియాతో ముచ్చటించారు. ఈ సందర్భంగా త్వరలో విడుదల కానున్న బ్రూస్లీ చిత్ర విశేషాలను మీడియాతో పంచుకున్నారు.
నిర్మాత మాట్లాడుతూ ''బ్రూస్లీకి వీరాభిమాని అయిన ఓ యువకుడి కథ ఇది. తనకు ఎదురైన ఓ సమస్యపై ఎలా పోరాటం చేశాడన్నది తెరపైనే చూడాలి. వినోదం, కుటుంబ అనుబంధాలకు పెద్దపీట వేస్తూ చిత్రాన్ని తెరకెక్కిస్తున్నారు దర్శకుడు. రామ్చరణ్ చేసే యాక్షన్, డ్యాన్సులు అభిమానుల్ని అలరించేలా ఉంటాయి. ఇటీవల విడుదలైన 'లే చలో...' పాటకి మంచి స్పందన లభిస్తోంది. చిత్రాన్ని 16న ప్రేక్షకుల ముందుకు తీసుకొస్తాము'' అన్నారు.
ఈ చిత్రానికి కథ: కోన వెంకట్, గోపీమోహన్, మాటలు: కోన వెంకట్, ఛాయాగ్రహణం: మనోజ్ పరమహంస, కూర్పు: ఎ.ఆర్. వర్మ, కళ: నారాయణరెడ్డి, ఫైట్స్: అణల్ అరసు, సమర్పణ: డి. పార్వతి, మూలకథ, స్క్రీప్లే, దర్శకత్వం: శ్రీను వైట్ల.