'బుజ్జిగాడు' 22న. . .

By Staff

Published: Friday, March 13, 2026, 4:42 [IST]

బుజ్జిగాడు ధియోటర్లలలో దిగటానికి రెడీ అయ్యాడు. ప్రభాస్ హీరోగా దర్శకుడు పూరీ జగన్నాథ్ రూపొందించిన 'బుజ్జిగాడు.. మేడిన్ చెన్నై' 22న విడుదల కానున్నది. త్రిష, సంజన హీరోయిన్లుగా నటించిన ఈ సినిమాను క్రియేటివ్ కమర్షియల్స్ అధినేత కెఎస్ రామారావు నిర్మించారు. ప్రభాస్ సినిమాలన్నింటికంటే భారీ స్థాయిలో అత్యధిక ప్రింట్లతో ప్రపంచవ్యాప్తంగా ఈ సినిమాను విడుదల చేయడానికి రామారావు సన్నాహాలు చేస్తున్నారు.

ఇందులో త్రిష అన్నగా, శివన్న అనే డాన్ పాత్రను మోహన్‌బాబు పోషించారు. ఆయన డియర్ అనే డైలాగుతో కూడిన మేనరిజమ్ తో కనపడతారుట. అలాగే ఈ చిత్రానికి సందీప్ చౌతా సంగీత దర్శకుడు.ప్రోమోలు ,పాటలు ఇప్పటికే ప్రేక్షకులలో ఆసక్తి రేపుతున్నాయి. ఇందులో రజనీకాంత్ వీరాభిమానిగా బుజ్జి అనే పాత్రలో ప్రభాస్ కనిపించనున్నాడు.ఇంతకు ముందు జగన్ డైరెక్ట్ చేసిన 'పోకిరి', 'దేశముదురు' వంటి సూపర్‌హిట్ సినిమాల రేంజిలో ఈ సినిమా కూడా వర్కవుట్ అవుతుందని ప్రభాస్ అభిమానులు ఆశిస్తున్నారు. అలాగే పరాజయాల్లో ఉన్న ప్రభాస్ కెరీర్ కి కూడా ఈ చిత్రం హిట్టవటం చాలా అవసరం.

More from Filmibeat