ఆయనే నాకు లైఫిచ్చారు :సంజన

By Staff

| Published: Wednesday, May 21, 2008, 14:38 [IST]

బుజ్జిగాడు లో సెకెండ్ హీరోయిన్ గా చేసిన సంజన ఫుల్ హ్యాపీట. ఎందుకంటే పూరి సినిమా పూర్తయినప్పటి నుంచి ఆమెపై ఆఫర్ల కుంభ వృష్టి కురుస్తోందిట. కాకపోతే ఆ అవకాశాలు తెలుగులో కాదట. కన్నడ, తమిళ, మళయాళ పరిశ్రమలలోనట. నిజానికి ఆమె కెరీర్ కన్నడలో (Ganda Hendathi) ప్రారంభమైంది. ఆ సినిమా ఇక్కడ 'మొగుడు పెళ్ళాం ఓ బాయ్ ప్రెండ్' గా వచ్చి రసికులను అలరించింది. అందులో ఆమె 'మర్డర్' లో మల్లికాషెరావత్ తరహా పాత్రని హాట్ హాట్ గా చేసేసింది. దాంతో అక్కడ ఆమెకు వీర ఫ్యాన్స్ ఏర్పడిపోయారు. కాని...ఆ తరువాత ఆమెకు అన్నీ అలాంటి సినిమాలే రాసాగాయి. ఏం చేయాలో అర్థం కాని స్థితిలో ఉండగా అదృష్టం బాగుండి పూరి కళ్ళ పడింది. వెంటనే బుజ్జిగాడు లో బుక్కయిపోయింది.

దాంతో సినీ ప్రపంచం మొత్తం పూరీ సినిమాలోకి ఎంట్రి ఇచ్చిన అమ్మాయి ఎవరా అని తేరిపార చూసింది. అంతే ఆమె దశ తిరిగి పోయింది. మళయాళంలో ముందు ఓ ఆఫర్ వచ్చింది. ఆ వెంటనే కన్నడ వారు కూడా మేలుకుని Yee Sanje అనే సినిమాలో అవకాశం ఇచ్చేసారు. ఆ సినిమా బుజ్జిగాడు రిలీజు రోజునే బెంగుళూరు లో ప్రారంభమవుతుంది. అలాగే ఇంతకు ముందు తమిళం లో ఆమె హీరోయిన్ గా ఓ సినిమా చేసినా వర్కవుట్ కాలేదు. కాని ఇప్పుడు ఆ పరిశ్రమ నుండి కూడా కాల్స్ వస్తున్నాయట. దాంతో ఆమె ఇదంతా పూరీ సార్ చలువే అంటోందిట. ఆయనే నాకు లైఫిచ్చారు . బుజ్జిగాడు లో చేయకపోతో నా లక్కు తిరిగేదా అని పూరీ ని తెగ పొగుడుతోందిట.