బన్నీ షాకింగ్ నిర్ణయం: మెగా హీరోలతో మీటింగ్.. ఆ ఇద్దరికీ క్లాస్ తీసుకోబోతున్నాడా?

అభిమానుల సపోర్ట్ చీలిపోతుందని..:

మెగా హీరోలు తమలో తామే పోటీ పడితే.. భవిష్యత్తులో ఒకరితో మరొకరికి విభేదాలు తలెత్తే అవకాశం ఉందని మెగా ఫ్యామిలీ భావిస్తోందట. పైగా మెగా అభిమానుల సపోర్ట్ కూడా హీరోల మధ్య చీలిపోయే అవకాశముందని, అలా జరిగితే ఆయా హీరోల మార్కెట్ దెబ్బతింటుందనే ఆలోచనలో పడ్డారట. ఈ పరిస్థితికి ఫుల్ స్టాప్ పెట్టడానికే బన్నీ లీడ్ తీసుకుని ముందుకొచ్చినట్లు చెబుతున్నారు.

బన్నీ ఏం చేయబోతున్నారు?:

మెగా ఫ్యామిలీ హీరోల సినిమాల విడుదల మధ్య కనీసం మూడు, నాలుగు వారాలు గ్యాప్ ఉండేది. అలాంటిది ఇప్పుడు వరుణ్ తేజ్-సాయిధరమ్ తేజ్ సినిమాలు ఒకేసారి విడుదలవుతుండటం వారిలో టెన్షన్ పెంచుతోంది. ఇకముందు ఇలా మెగా హీరోల సినిమాల మధ్య క్లాషెస్ లేకుండా చూడటానికి బన్నీ ఓ మీటింగ్ పెట్టబోతున్నాడట.

ఆ ఇద్దరికీ క్లాస్ తీసుకుంటాడా?:

తాను నిర్వహించబోయే మీటింగ్‌కు మెగా హీరోలందరిని ఆహ్వానిస్తున్నట్లు ఊహాగానాలు వినిపిస్తున్నాయి. ఇక ముందు మెగా హీరోలెవరూ తమలో తామే పోటీకి సిద్దపడవద్దని బన్నీ గట్టిగా చెప్పనున్నాడట. అంటే, ఒకవిధంగా సాయిధరమ్ తేజ్, వరుణ్ తేజ్ లకు క్లాస్ తీసుకోబోతున్నాడా? అన్న సందేహాలు కూడా వ్యక్తమవుతున్నాయి. అయినా నిర్మాతల మధ్య సయోధ్య కుదరనప్పుడు హీరోలు మాత్రం ఏం చేస్తారు?..

ఇంటిలిజెంట్ వర్సెస్ తొలిప్రేమ:

కేవలం ఒకరోజు వ్యవధిలో ఇంటిలిజెంట్, తొలిప్రేమ చిత్రాలు ప్రేక్షకుల ముందుకు రాబోతున్నాయి. మెగా అభిమానుల పుణ్యమాని ఈ సినిమాలకు మంచి ఓపెనింగ్స్ కూడా ఉంటాయి. కానీ రెండింటిలో ఏ సినిమాకు కాస్త నెగటివ్ టాక్ వచ్చినా.. ఇక ఆ సినిమా ఎగిరిపోయినట్లే. అదే పోటీ లేకుండా గనుక విడుదలైతే.. యావరేజ్ గా ఉన్నా ఎలాగోలా నెట్టుకురావచ్చు. ఇప్పుడు బన్నీ కూడా మెగా హీరోలకు ఇదే ఫార్మూలను హితబోధ చేయబోతున్నాడట.

ఫిబ్రవరి 9,10తేదీల్లో..:

ఇంటిలిజెంట్, తొలిప్రేమ ఫిబ్రవరి 9,10తేదీల్లో విడుదలకు సిద్దమవుతున్నాయి. ఇండస్ట్రీ బజ్ ప్రకారం తొలిప్రేమ మీద కాస్త ఎక్కువ అంచనాలే ఉన్నాయి. ఇంటిలిజెంట్ విషయంలో మంచి అంచనాలే ఉన్నప్పటికీ.. ఎందుకనో ప్రచార చిత్రాలు అంతగా ఆకట్టుకోవడం లేదన్న టాక్ కూడా వినిపిస్తోంది. చూడాలి మరి ఫైనల్‌గా ఈ పోటీలో గెలిచే మెగా హీరో ఎవరో!