హోమ్

న్యూస్

అల్లు అర్జున్ తాజాగా మరో చిత్రం కథని ఫైనలైజ్ చేసినట్లు తెలుస్తోంది. అక్కినేని కుటుంబ హీరోలతో మనం, హలో సినిమాలు రూపొందించిన విక్రమ్ కుమార్ రీసెంట్ గా అల్లు అర్జున్ ని కలిసి ఓ స్టోరిని వినిపించాడని సమాచారం. కథ నచ్చి అల్లు అర్జున్ గ్రీన్ సిగ్నల్ ఇచ్చినట్లు తెలుస్తోంది. ఈ సినిమాను నల్లమలుపు శ్రీనివాస్ (బుజ్జి) నిర్మించబోతున్నాడు.

ప్రస్తుతం అల్లు అర్జున్ నటించిన నా పేరు సూర్య సినిమా ఈ శుక్రవారం ప్రేక్షకుల ముందుకు రాబోతోంది. ట్రైలర్, పాటలు ఆకర్షనీయంగా ఉండడంతో సినిమాపై అంచనాలు పెరిగాయి. అల్లు అర్జున్ ఈ సినిమా ప్రమోషన్స్ లో బిజీగా ఉన్నాడు. నా పేరు సూర్య విడుదల తరువాత విక్రమ్ కుమార్ సినిమాను ప్రకటించే అవకాశం ఉంది.

హలో సినిమా తరువాత విక్రమ్ కుమార్ నానితో ఒక సినిమా చెయ్యాలి, కాని ఆ సినిమా ఉండబోదని సమాచారం. నాని స్థానంలో బన్ని వచ్చినట్లు తెలుస్తోంది. విక్రమ్ కుమార్ ప్రస్తుతం బన్ని స్క్రిప్ట్ కు ఫినిషింగ్ టచ్ ఇస్తున్నట్లు సమాచారం. డిఫరెంట్ సినిమాలు చేసే విక్రమ్ కుమార్ బన్నిని ఎలా చూపిస్తాడో చూడాలి.