‘కత్తి’లు ‘సుత్తి’లు ఉన్నాయి: పవన్ అభిమానులెవరూ రియాక్ట్ అవ్వొద్దన్న బన్నీ వాసు

మరోసారి కామెంట్స్ చేసిన కత్తి మహేష్

‘పవన్ కళ్యాణ్ హీరోగా రూపొందుతున్న ‘అజ్ఞాతవాసి' చిత్రం ఆడియో రిలీజ్ త్వరలో ఉంది. అలానే ఈ చిత్రం త్వరలోనే విడుదలవుతుంది. ‘ఏక్ పంత్ దో కాజ్' అంటే ఒక దెబ్బకు రెండు పిట్టలు. అటు రాజకీయపరంగా లాభముంటుంది, ఇటు సినిమా పరంగా ప్రమోషన్ జరిగిపోతుంది... అని కత్తి మహేష్ వ్యాఖ్యానించారు.

తీవ్రమైన కామెంట్స్

కొత్త‌ర‌క్తం, కొత్త‌త‌ర‌హా రాజకీయాలు కావాల‌ని ప‌వ‌న్ కళ్యాణ్ అన్న మాట‌ల‌ను ప్ర‌స్తావిస్తూ 'పార్టీ ఆఫీసుని సినిమా ఆఫీసులా, ప్రజా ప్రస్థానాన్ని ఆడియో లాంచ్ లాగా మార్చడమే కొత్తతరహా రాజకీయం' అంటూ ఎద్దేవా చేశారు.

ఫ్యాన్స్ రియాక్ట్ అవ్వొద్దన్న బన్నీ వాసు

కత్తి మహేష్ కామెంట్స్ నేపథ్యంలో నిర్మాత బన్నీ వాసు స్పందించాడు. ఈ మేరకు తన ఫేస్ బుక్ ఖాతాలో ఓ పోస్టు పెట్టాడు. "పవన్ కళ్యాణ్ ఫ్యాన్స్... మార్కెట్ లో 'కత్తి'లు, 'సుత్తి'లు ఉంటాయి. వాటిని పట్టించుకోద్దు" అని పోస్టు చేశారు.

అతడిని హీరోను చేయొద్దు

కత్తి మహేష్ గురించి స్పందించి అతడిని అనవసరంగా హీరోను చేయొద్దు... అనే అర్థం వచ్చేలా బన్నీ వాసు కామెంట్ ఉండటం గమనార్హం.