ఛార్మికి మరొకటి పడాల్సిందే

హీరోయిన్ ఓరియెంటెడ్ చిత్రాలుకు తెరలేపిన ఛార్మి ఇప్పుడు గడ్డు పరిస్దితిని ఎదుర్కొంటోందని సమాచారం. ఆమె సినిమాలు వరసగా ఫ్లాఫ్ టాక్ ని మూట కట్టుకోవటం ఆమె కెరీర్ కు పెద్ద దెబ్బగా మారుతోంది. అందులోనూ మాయగాడు,కావ్యాస్ డైరీ వంటి చిత్రాలుకు బయ్యర్లు ముందుకు రాకపోవంటం మరో విషాదమంటున్నారు. ఎప్పుడో పూర్తయిన ఈ రెండు చిత్రాలు ట్రైలర్స్ తో ఊరిస్తున్నా ఉత్సాహంగా వచ్చే వారే కరవయ్యారని తెలుస్తోంది. మంత్ర క్రేజ్ క్రమంగా తగ్గిపోయిందని మరో హిట్ పడితే కానీ ఆమె కొనసాగటం కష్టమంటున్నారు.

ఇప్పటికే ఆమెను తమ ప్రక్కన తీసుకోవటానికి పెద్ద హీరోలు ఎవరూ ఉత్సాహంగా ముందుకు రావటం లేదు. అప్పటికీ సెక్స్ పోజింగ్ తో ఆకట్టుకుందామని రెచ్చిపోయి చూపినా కథలు సరైనవి ఎంపికచేసుకోపోవటం శాపంగా మారింది. ముఖ్యంగా మనోరమ ఓపినింగ్స్ కూడా తెచ్చుకోకపోవటం ఇది స్పష్టం చేస్తోంది. ఎంతో ఆర్భాటంగా ముగిసిన సిక్సీన్ డేస్ షో ఛార్మితి కోలుకోలేని దెబ్బ అయింది. ఇక కృష్ణవంశి ఏమన్నా పూనుకుని ఆమె కెరీర్ ని మళ్ళీ గాడిలో పెట్టాల్సిన సమయం వచ్చిందంటున్నారు. ఏదైమైనా ఛార్మికి మరొక పెద్ద హిట్టు పడాల్సిందే.