Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
గాయని శ్రావణ భార్గవికి తప్పిన ప్రమాదం
హైదరాబాద్: తెలుగు సినిమా గాయని శ్రావణ భార్గవికి పెద్ద ప్రమాదం తప్పింది. విజయవాడలో ఓ కార్యక్రమంలో పాల్గొనడానికి బుధవారం ఉయదం హైదరాబాద్ నుండి బయల్దేరిన ఆమె కారు నల్లగొండ జిల్లా చిట్యాల సమీపంలో రోడ్డు డివైడర్ ను ఢీకొట్టింది. అయితే అదే సమయంలో కారు టైరు పగిలిపోవడంతో కారు బోల్తాపడకుండా అక్కడే నిలిచి పోయింది. దీంతో పెద్ద ప్రమాదం తప్పింది.
కారుకు ఎదురుగా రాంగ్ రూట్లో ఓ ట్రాక్టర్ రావడంతో డ్రైవర్ దాన్ని తప్పించబోయి ఈ క్రమంలో రోడ్డు డివైడర్ ను ఢీ కొట్టారు. మొత్తానికి ఈ ఘటన నుంచి శ్రావణ భార్గవి క్షేమంగా బయట పడటంతో అంతా ఊపిరి పీల్చుకున్నారు. ఈ సంఘటన తెలిసిన వెంటనే అక్కడికి చేరుకున్న శ్రావణ భార్గవి భర్త హేమచంద్ర ఆమెను విజయవాడ తీసుకెళ్లారు.
ఈ ఘటనకు సంబంధించి పోలీసులు దర్యాప్తు చేస్తున్నారు. రాంగ్ రూట్లో వచ్చిన ట్రాక్టర్ డ్రైవర్ పై చర్యలు తీసుకునే అవకాశం ఉంది. ఈ యాక్సిడెంటు కారణంగా హైదరాబాద్-విజయవాడ హైవేపై కొద్దిసేపు ట్రాఫిక్ జామ్ అయింది. వెంటనే హైవే పోలీసులు అక్కడి చేరుకున్నారు.
అటు బుల్లి తెరతో పాటు, ఇటు వెండి తెరపై ప్లేబ్యాక్ సింగర్లుగా ఇటీవల కాలంలో బాగా పాపులర్ అయిన గాయకులు హేమచంద్ర, శ్రావణ భార్గవి. గత కొంత కాలంగా ప్రేమలో మునిగి తేలుతున్న ఈ ఇద్దరు ప్రేమికుల రోజున పెళ్లితో ఒక్కటయ్యారు. వీరి వివాహం ఫిబ్రవరి 14, 2013న హైదరాబాద్ లో ఘనంగా జరిగింది.