హోమ్

న్యూస్

తెలుగు వారి గుండెల్లో చిరస్థాయిగా నిలిచిన దిగ్గజ నటుడు, సంచలన రాజకీయ వేత్త స్వర్గీయ నందమూరి తారక రామారావు జీవిత కథ ఆధారంగా ఓ చిత్రం తెరకెక్కుతున్న సంగతి తెలిసిందే. ఈ చిత్రాన్ని ఎన్టీఆర్ తనయుడు నందమూరి బాలకృష్ణ నిర్మిస్తున్నారు. ఈ చిత్రానికి క్రిష్ జాగర్లమూడి దర్శకత్వం వహిస్తున్నారు. ఈ చిత్రంలో నటించాలనుకొనే ఔత్సాహికుల కోసం చిత్ర యూనిట్ ఓ ప్రకటన జారీ చేసింది.

నటిస్తూ, తెర మీద కనిపిస్తూ జీవించాలనుకునే వాళ్లు చాలా మంది ఉంటారు. కానీ మంచి అవకాశాలు రానివాళ్లు కొందరు.. ఏది మంచి అవకాశమో అర్థం కాని వాళ్లు కొందరు..అలాంటి వాళ్లందరికీ ఒక అవకాశం ఇవ్వాలనుకొంటున్నాము అని చిత్ర యూనిట్ పేర్కొన్నది.

ఎన్‌బీకే ఫిల్మ్స్ నిర్మాణంలో నందమూరి బాలకృష్ణ నటిస్తూ క్రిష్ జాగర్లమూడి దర్శకత్వంలో తెరకెక్కనున్న ఎన్టీఆర్ బయోపిక్‌లో ప్రాముఖ్యత గల కొన్ని పాత్రలకు కొత్తవారిని ఆహ్వానిస్తున్నాం.. ఆసక్తి ఉన్న అన్ని వయసుల వారు రెండు ఫొటోలు, సెల్‌ఫోన్‌తో మీ పెర్ఫార్మెన్స్‌ను షూట్ చేసిన 30 సెకన్ల నిడివితో ఉన్న రెండు వీడియోలను మాకు ఈ మెయిల్ చేయండి అని ప్రకటనలో తెలిపారు. ఎట్టి పరిస్థితుల్లో ఆఫీస్‌కు రావొద్దు.. ఎంపిక చేసిన వారిని ఆడిషన్ష్‌కు ఆహ్వానిస్తాం అని వెల్లడించారు.

ఈ మెయిల్ అడ్రస్: [email protected]