సీసీసీలో ముసలం.. కొందరికే నిత్యావసర సరకులు.. చిరంజీవి దృష్టికి సమస్యలు!!

ఏడుగురు సభ్యుల బృందం..

సినీ కార్మికులను ఆదుకునేందుకు పెట్టిన సీసీసీ బాధ్యతలను నిర్వహించడానికి తమ్మారెడ్డి భరద్వాజ వంటి వారిని నియమించారు. బెనర్జీ, ఎన్ శంకర్, మెహర్ రమేష్ ఇలా ఓ ఏడుగురి సభ్యుల బృందంతో సీసీసీని ముందుకు నడిపిస్తున్నారు.వీరి సారథ్యంలో మొదటి విడత సరుకుల పంపిణీ ఘనంగా జరిగింది.

రెండో విడత..

తాజాగా రెండో విడత పంపిణీ విషయమై అంతా చర్చించారు. ఆ మేరకు నిత్యావసర సరుకులను పంపిణీ చేయాలని నిర్ణయించారు. అయితే ఈ సారి మాత్రం ఆ విషయంలో కాస్త గందరగోళం నెలకొంది. అవసరం లేని వారు సరుకులు తీసుకోవద్దని ముందే విన్నవించిన సంగతి తెలిసిందే.

అందరికీ ఇవ్వడం లేదు..

రెండో విడతలో భాగంగా నిత్యావసరాలు కొందరికే పంపిణీ చేస్తున్నారని పలువురు ఆగ్రహం వ్యక్తంచేశారు. దీనిని నిరసిస్తూ కార్మికులు ఇందిరానగర్‌ ప్రాంతంలోని కార్యాలయాల వద్ద బుధవారం ముట్టడి కార్యక్రమం నిర్వహించారు. కార్మిక యూనియన్ల ద్వారా అందిస్తున్న ఈ కార్యక్రమంలో ఈ గొడవలు అందర్నీ షాక్‌కు గురి చేస్తున్నాయి.

Recommended Video

కరోనా రూమర్స్ ని వెరైటీ గా ఖండించిన Nayanthara , Vignesh Shivan

చిరంజీవి దృష్టికి..

అందరికి ఇవ్వలేమని, కొందరు సభ్యులకు మాత్రమే ఇస్తామని సీసీసీ పేర్కొనడం, కేవలం సగం మందికే సరుకులు ఇస్తామని చెప్పడంతో యూనియన్‌ నాయకులకు కూడా ఏమిచేయాలో అర్థం కాలేదు. విషయం తెలుసుకున్న తెలుగు సినీటీవీ ప్రొడక్షన్‌ అసిస్టెంట్స్‌ యూనియన్, తెలుగు లైట్‌మెన్‌ యూనియన్, తెలుగు సినీ స్టూడియోవర్కర్స్‌ యూనియన్లకు చెందిన సభ్యులు బుధవారం కార్యాలయాలను ముట్టడించి ఆందోళనకు దిగారు. ఈ సమస్యను చిరంజీవి దృష్టికి తీసుకెళ్లి పరిష్కరించడానికి కృషి చేస్తామని హామీ ఇవ్వడంతో సభ్యులు శాంతించారు. మరి ఈ వివాదం ఇక్కడితో ముగుస్తుందో లేదో చూడాలి.