Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
లెజెండ్ను కోల్పోయాం: కోడి రామకృష్ణ మరణంపై జూ ఎన్టీఆర్, ప్రముఖుల ట్వీట్స్!
శతాధిక చిత్రాల దర్శకుడు కోడి రామకృష్ణ మరణంతో తెలుగు చిత్ర పరిశ్రమలో విషాద ఛాయలు అలుముకున్నాయి. కొంతకాలంగా అనారోగ్యంతో బాధపడుతున్న ఆయన శుక్రవారం మధ్యాహ్నం కన్నుమూశారు.
రామకృష్ణ మరణంతో షాకైన పలువురు తెలుగు సినీ ప్రముఖులు సోషల్ మీడియా ద్వారా సంతాపం వ్యక్తం చేస్తూ ట్వీట్స్ చేశారు. ఆయన మరణం చిత్ర పరిశ్రమకు తీరని లోటని, తెలుగు సినిమా అభివృద్ధికి ఆయన చేసిన కృషి మరువలేనిదని, యువ దర్శకులకు ఆయన మార్గదర్శకుడని వ్యాఖ్యానించారు.
|
లెజెండ్ను కోల్పోయాం: జూ ఎన్టీఆర్
తెలుగు సినీ పరిశ్రమ లెజెండ్ను కోల్పోయింది. ఒక గొప్ప దర్శకుడిని మిస్సయ్యాం. ఆయన ఆత్మకు శాంతి చేకూరాలి.. అని జూ ఎన్టీఆర్ ట్వీట్ చేశారు.
|
పరిశ్రమకు పెద్ద లోటు
కోడి రామకృష్ణగారి ఆత్మకు శాంతి చేకూరాలి. ఆయన మరణం ఇండస్ట్రీకి తీరని లోటు.. అని కళ్యాణ్ రామ్ ట్వీట్ చేశారు.
|
మహేష్ బాబు
కోడి రామకృష్ణ మరణవార్త బాధించింది. చిత్ర పరిశ్రమకు ఆయన చేసిన కృషి మరువలేనిది. వారి ఆత్మకు శాంతి చేకూరాలని మహేష్ బాబు ట్వీట్ చేశారు.
|
మాలాంటి ఎంతో మందికి స్పూర్తి
కోడి రామకృష్ణగారి మరణవార్త విని షాకయ్యాను. ఆయన ఒక లెజెండ్. నాలాంటి ఎంతో మంది దర్శకులకు స్పూర్తి... అంటూ అనిల్ రావిపూడి వ్యాఖ్యానించారు.
|
మార్గదర్శకుడిని కోల్పోయాం
మనం ఒక మార్గదర్శకుడిని కోల్పోయాం. తెలుగు సినిమా పరిశ్రమకు విఎఫ్ఎక్స్ పొటెన్షియాలిటీ తెచ్చిన దర్శకుడాయన. అమ్మోరు, అరుంధతి లాంటి చిత్రాలు మనకు ఎప్పటికీ గుర్తుండి పోతాయి. ఆయన ఆత్మకు శాంతి చేకూరాలని సుధీర్ బాబు ట్వీట్ చేశారు.
|
ఎన్నో గొప్ప చిత్రాలు అందించారు
కోడి రామకృష్ణ గారు వందకు పైగా చిత్రాలు తీయడంతో పాటు తెలుగు సినీ పరిశ్రమకు ఎన్నో గొప్ప చిత్రాల జ్ఞాపకాలను అందించారు. ఆయన ఆత్మకు శాంతి చేకూరాలంటూ.. గోపీచంద్ మలినేని ట్వీట్ చేశారు.