దిష్టి తగిలిందా? పవన్, మహేష్, జూ ఎన్టీఆర్ నివాళి (ఫోటోలు)

By Bojja Kumar

Published: Wednesday, January 22, 2014, 15:15 [IST]

హైదరాబాద్: తెలుగు సినీ పరిశ్రమలో వరుస పెట్టి ప్రముఖుల మరణాలు....తాజాగా తెలుగు సినిమా లెజెండ్, నటసామ్రాట్ అక్కినేని నాగేశ్వరరావు అస్తమయం. అక్కినేని భౌతిక దేహానికి నివాళులు అర్పించేందుకు వచ్చిన సందర్భంగా నటుడు రాజేంద్రప్రసాద్ మాట్లాడుతూ.....తెలుగు సినిమా ఇండస్ట్రీకి ఏదో దిష్టి తగిలిందని, అందుకే పరిశ్రమలో వరుసగా పముఖుల మరణాలు చోటు చేసుకుంటున్నాయని వ్యాఖ్యానించారు. నాగేశ్వరరావుగారి మరణం ఇండస్ట్రీకి తీరని లోటని పేర్కొన్నారు.

హీరో మహేష్ బాబు మాట్లాడుతూ.....భౌతికంగా ఆయన మన ముందు లేక పోయినా అభిమానుల గుండెల్లో చిరస్థాయిగా నిలిచే ఉంటారని వ్యాఖ్యానించారు. మరో నటుడు జూ ఎన్టీఆర్ మాట్లాడుతూ...నందమూరి తారక రామారావు, అక్కినేని నాగేశ్వరరావు మరణంతో తెలుగు సినీ పరిశ్రమకు ఉన్న రెండు కళ్లను కోల్పోయినట్లయిందని జూనియర్ ఎన్టీఆర్ పేర్కొన్నారు. ఆయన సాధించిన విజయాల గురించి కానివ్వండి, ఒక మహా మనిషిగా కానివ్వండి ఆయన గురించి మాట్లాడే అర్హత తనకు లేదని అన్నారు జూ ఎన్టీఆర్. ఆయన ఏ లోకంలో ఉన్నా ఆయన చూపు కుటుంబం వైపు, ఇండస్ట్రీ వైపు ఉంటుందని ఆశిస్తున్నట్లు తెలిపారు.

నటుడు పవన్ కళ్యాణ్, రాణా, రవితేజ, మోహన్ బాబు, మంచు విష్ణు, సాయి కుమార్, ఆది, సురేష్ బాబు, అనుష్క, బ్రహ్మానందం, కీరవాణి, రాజమౌళి, రాఘవేంద్రరావు, దాసరి నారాయణరావు, సిద్దార్థ, శ్రీకాంత్, సుమన్ తదితరులు అక్కినేని భౌతిక కాయాన్ని సందర్శించి నివాళులు అర్పించారు. అందుకు సంబంధించిన ఫోటోలు స్లైడ్ షోలో...