ఫిల్మ్ ఫన్ : హీరో కిచ్చిన ట్విస్ట్

By Staff

Published: Tuesday, March 10, 2026, 21:49 [IST]

విజయావారి చిత్రాలు (మిస్సమ్మ, పాతాళభైరవి, పెళ్ళి చేసి చూడు, రాజ రాజేశ్వరీ విలాస్ కాఫీ క్లబ్,గుండమ్మ కథ ..వగైరా ) చూడని తెలుగు ప్రేక్షకులు చాలా అరుదు. ఆ చిత్రాలు అంత గొప్పగా ఉండటానికి కారణం చక్రపాణి గారు. .ప్రతీ చిన్న విషయంలోనూ తనదైన శైలి, స్పష్టత కోరుకునే ఆయన ఆలోచనలూ అలానే విలక్షణంగా ఉండేవి. ఓ సారి విజయా వారి ప్రొడక్షన్ మేనేజరు ఓ పెద్ద హీరో డేట్స్ కోసం వెళితే..".మీ సినిమాలో చేస్తే నాకు పేరొస్తుంది...హిట్టువస్తుంది...కాని బయిట వచ్చినంత డబ్బులు మాత్రం రావు ...నెలల తరబడి డేట్స్ ఇవ్వటం కష్టం!" అంటూ గుణిగాడు. ఎందుకంటే విజయా సంస్థ లో హీరోలకి కూడా నెలవారీ జీతాలు ఉండేవి. దాంతో ఆ మేనేజరు "మీకేం కావాలో..ఎంత కావాలో చెప్పండి" అంటే ..."రోజువారి పేమెంట్ ఇప్పిస్తే చేస్తాను.".అని పెద్ద ఎమౌంట్ వస్తుందని ఆశతో అన్నాడట.

ఇది చక్రపాణి గారికి చెబితే "దానిదేముంది... అలాగే చేస్తే పోలా రమ్మను!"... అన్నారు. అతను ఆనందంతో ఎగురుకుంటూ వచ్చాడు. అప్పుడు ఇచ్చారు చక్రపాణి గారు అసలైన ట్విస్టు...అతని కాంబినేషన్ సీన్స్ అన్నీ చాలా తక్కువ రోజల్లో ప్లాన్ చేసి అవి మాత్రమే షూట్ చేసి పూర్తి చేసి అతన్ని బయిలుదేరమన్నారట. దాంతో అతనికి వచ్చే రోజు వారి రెమ్యునేషన్ లెక్కబెట్టుకుంటే ముందుగా చెప్పిన నెలల జీతం కన్నా చాలా...చాలా తక్కువ వచ్చిందిట. దాంతో కిక్కురుమనకుండా కుక్కిన పేనులా చెక్ పట్టుకెళ్ళాడట. ఆ రకంగా అతని తెలివికి చక్రపాణి గారు చెక్ చెప్పారు.

More from Filmibeat