బాలయ్య తప్పు లేదు..చిరూనే..

బాలకృష్ణ ఎన్నికల హామీలు ఇవ్వటం తప్పుకాదని, స్ధానికంగా ప్రజల స్పందన,కోరిక మేరకు హామీలు ఇస్తూంటారని చంద్రబాబు చెప్పుకొచ్చారు. అలాగే పీఆర్పీ అధినేత చిరంజీవి శల్య సారధ్యాన్ని మానుకోవాలని ఆయన సూచించారు. చంద్రబాబు తన నివాసంలో ఏర్పాటు చేసిన మీడియా సమావేశంలో మాట్లాడుతూ రకరకాల అంశాలపై చర్చలు చేసారు. గత నాలుగేళ్ళ పదినెలలుగా తాము ప్రభుత్వ అవినీతికి వ్యతిరేకంగా పోరాటం చేస్తూంటే ఇపుడు వచ్చి చిరంజీవి తనను విమర్శిచటం విడ్డూరంగా ఉందని అన్నారు.

చిరంజీవికి పరిపాలన అంటే ఏమిటో, అది ఎలా ఉంటుందో కూడా తెలియదని, ముందుగా వాటి గురించి తెలుసుకుంటే మంచిదని హితవు పలికారు. అయినా చిరంజీవి..కాంగ్రేస్ పై పోరాటం చేయటం మాని తమపై విమర్శలు చేయటం తగదన్నారు. చిరంజీవికి శక్తి ఉంటే..కాంగ్రేస్ పై పోరాటం చేసి నిరూపించుకోవాలని..లేకుంటే మిన్నకుండాలని సూచించారు. అంతేగాక చిరంజీవి ప్రత్యేకంగా చెప్తున్న సామాజిక న్యాయమేమిటో ఇప్పటికీ తమకి అర్ధంకాలేదని ఆయన వ్యంగ్యంగా అన్నారు.అలాగే మీడియా వ్యక్తులు బాలయ్య గురించి అడిగిన ప్రశ్నలకు ఆయన్ని వెనకేసుకొస్తూ సమాధాన మిచ్చారు.