ఎన్టీఆర్ చేతబడి వారి పనే

కాంగ్రెస్ నాయకులు క్షుద్రోపాసకులని, జూనియర్ ఎవ్టీఆర్ కు లభిస్తున్న ప్రజాదరణను చూసి ఓర్వలేక కేరళలో అతడికి చేతబడి చేయించారని తెలుగుదేశం అధినేత చంద్రబాబు నాయుడు సైతం ఆరోపించారు. ఈ న్యూస్ నిన్న తెలుగు దేశాన్ని సపోర్టు చేసే ఓ దినపత్రికలో ప్రముఖంగా వచ్చిన సంగతి తెలిసిందే. ఇదే విషయాన్ని బాబు తన ప్రసంగంలో భాగంగా ప్రస్దావించారు. ప్రస్తుతం చంద్రబాబు తూర్పు గోదావరి జిల్లాలో ఎన్నికల ప్రచారం నిర్వహిస్తున్నారు.

ఈ సందర్బంగా మాట్లాడుతూ తమ పార్టీ మేనిఫెస్టోలో ప్రకటించిన పథకాలన్నింటినీ చంద్రబాబు మరో సారి చెప్పుకొచ్చారు. అలాగే కాంగ్రెస్ ప్రభుత్వంపై విమర్శనాస్త్రాలను విసురతూ..కాంగ్రెస్ నాయకులు క్షుద్రోపాసకులని, అవినీతిపరులని, చేతకాని దద్దమ్మలని విరుచుకుపడ్డారు. ఇక చిరంజీవిపై 'ప్రజారాజ్యం నాయకుడు చిరంజీవి ఎన్నికల తరువాత అటు సినిమాలకు, ఇటు రాజకీయాలకు కొరగాకుండా పోతారు. మేమిచ్చే కలర్ టివిలో వచ్చే సినిమాల్లో మాత్రమే ఇంకముందు చిరంజీవి కనిపిస్తారు' అని ఎద్దేవా చేసారు.