'సై ఆట' లో చార్మి పాత్ర ఏమిటంటే...

త్వరలో రిలీజ్ కానున్న సై ఆట చిత్రంలో చార్మి...కొరియోగ్రాఫర్ గా కనిపించనుందని సమాచారం. ఈ చిత్రంలో పన్నెండు మంది పిల్లలు, వారితో ఎంటర్టైన్మెంట్ ఉంటుంది. ఆ అంశాలు పిల్లలను ఆకట్టుకుంటాయని అంటున్నారు. రియాల్టి షో నేపధ్యంలో ఈ చిత్రం సాగుతుందంటున్నారు. ఇక ఈ చిత్రంలో చార్మి పాత్ర పేరు మల్లేశ్వరి. ఆమె వేసుకునే కొన్ని ప్రత్యేకమైన దుస్తులు హైలెట్ గా నిలుస్తాయంటున్నారు. అలాగే ఈ చిత్రం ఆమె గ్లామర్ ఫిల్మ్ లలో ఒకటిగా నిలుస్తుందని, ఆమె చేసే పాత్ర ఇప్పటివరకూ చేయనంత కొత్తదని చార్మి నమ్మకంగా చెబుతోంది. ఈ చిత్రంలో చార్మి సరసన అజయ్ హీరోగా చేస్తున్నారు. నూతన దర్శకుడు పవన్ డైరక్ట్ చేస్తున్నాడు. శ్రీకాంత్ తో యమగోల మళ్ళీ మొదలైంది చిత్రాన్ని నిర్మించిన రాజశేఖర్ ఈ సినిమాని తన ప్రేమ్స్ ఎంటర్టైన్ మెంట్ పతాకంపై ప్రొడ్యూస్ చేస్తున్నారు. ఇక చార్మి ప్రస్తుతం మంత్ర దర్శకుడు తులసీరామ్ డైరక్షన్ లో మంగళ అనే చిత్రం చేస్తోంది. దీనితో పాటు సముద్ర దర్శకత్వంలో శ్రీకాంత్ హీరోగా వస్తున్న సేవకుడు లోనూ చేస్తోంది.