చార్మి కాలుకి దెబ్బ తగిలి..షూటింగ్ బ్రేక్

చార్మి ప్రస్తుతం చేస్తున్న మంగళ చిత్రం క్లైమాక్స్ షూటింగ్ లో ఆమె కాలికి దెబ్బ తగిలింది. దాంతో డాక్టర్స్ సూచన మేరకు ఓ రెండు రోజులు బ్రేక్ తీసుకుంటున్నారని సమాచారం. నల్లమల అడవుల్లో ఈ షూటింగ్ జరుగుతోంది. ఈ చిత్రంలో ఆమె ఓ సిని తారగా చేస్తున్నట్లు సమాచారం. చార్మికి సూపర్ హిట్ మంత్ర ఇచ్చిన ఓషో తులసీరామ్ ఈ చిత్రాన్ని రూపొందిస్తున్నారు. విశ్వ ట్యూన్స్ కంపోజ్ చేస్తున్న ఈ సినిమాకి శివేంద్ర కెమెరా అందిస్తున్నారు. ఈ చిత్రం గురించి చార్మి మాట్లాడుతూ...అసాధారణ స్క్రిప్టుతో తులసీరామ్ ఈ చిత్రాన్ని తీస్తున్నారు. 'మంత్ర' కంటే రెండు మెట్లు ఎక్కువగా ఈ సినిమా ఉంటుంది. 'మంగళ' పాత్రలో నన్ను నేనే చాలెంజ్ చేసుకుంటున్నా. ఇది బాగా భయపెట్టే సినిమా అంటోంది. ఇక తులసీరామ్..."గ్రాఫిక్స్ లేకుండా 'మంత్ర' తీసిన నేను, గ్రాఫిక్స్‌ని ఉపయోగిస్తూ హారర్ ఫిల్మ్‌గా 'మంగళ' తీస్తున్నా అంటున్నారు.