ఛార్మి...ముద్దపప్పు!!!

By Staff

Published: Tuesday, March 10, 2026, 23:35 [IST]

అవును...నిజమే ఛార్మింగా గర్ల్ ఛార్మి ముద్దపప్పే. అబ్బే...మీరు అంత దూరం పోకండి... ఈ మధ్య ఆమె బాడీ పెంచి గుండ్రంగా తయారైందని ముద్దపప్పు అనటం లేదు. ఇప్పుడామె 'ముద్దపప్పు' అనే కొత్త సినిమాలో నటించటానికి గ్రీన్ సిగ్నల్ ఇచ్చింది. దాని స్క్రిప్టు వర్క్ పూర్తిగా రెడీ అవుతోంది. యోదేమైనా మొన్న 'మంత్ర' విజయం ఇచ్చిన కిక్ ఆమెను ఇంకా వదలలేదు. హీరోయిన్ ఓరియంటెడ్ సినిమాలు ఇచ్చి ఆ పాత్రే ఆమెను ముందుకు తీసుకెళ్తోంది. అప్పటినుంచి ఛార్మీకి ఖాళీ లేకుండా ఆఫర్ల వర్షం కురుస్తోంది.

అందులోనూ హీరోయిన్ ఓరియంటెడ్ గా ఆమె చుట్టూ తిరిగే పాత్రలతో దూసుకుపోతోంది. చాలామంది నూతన దర్శకులు సైతం ఆమెని దృష్టిలో పెట్టుకుని కథలు అల్లటం విశేషం. అలా మొదలవుతున్న సినిమాల వరసలో ఇప్పుడు ఈ ముద్దపప్పు కూడా చేరబోతోంది. ఈ సినిమా సక్సెస్ అయితే అదే టైటిల్ తో ముద్దుగా ముద్దపప్పు అని ఆమెని పిలవటం ఖాయం.వాస్తవానికి ఆమె మాత్రం అన్ని విషయాలలో ముద్దపప్పు మాత్రం కాదు అంటున్నారు ఆమె దగ్గరవాళ్ళు.

More from Filmibeat