ఏ టైమ్‌లో పుట్టావమ్మా సమంత! నీ జాతకం.. ఛార్మి సెన్సేషనల్ కామెంట్స్

సమంత ఖాతాలో మరొకటి

సూపర్ డూపర్ హిట్ సినిమాలతో మంచి ట్రాక్ రికార్డ్ మెయిన్‌టైన్ చేస్తున్న సమంత తాజాగా ఓ బేబీ సినిమాతో ప్రేక్షకుల ముందుకొచ్చింది. జులై 5 న విడుదలైన ఈ సినిమా తొలి షో తోనే సక్సెస్ టాక్ తెచ్చుకుంది. చిత్రంలో సమంత, సీనియర్ నటి లక్ష్మి నటన చూసి ఫిదా అవుతున్నారు ఆడియన్స్. ఓ బేబీ సినిమా సమంత కెరీర్‌లో ఓ మైలురాయి లాంటి సినిమా అనే జనాల్లో వచ్చేసింది.

సమంతపై ఛార్మి కామెంట్స్

అయితే ఓ బేబీ సినిమా చూసిన చార్మింగ్ బ్యూటీ ఛార్మి.. సమంతను ఉద్దేశిస్తూ ట్విట్టర్ వేదికగా సెన్సేషనల్ కామెంట్స్ చేసింది. ''ఏ టైమ్ లో పుట్టవమ్మా నువ్వు.. నీ హార్డ్ వర్క్, నీ నిర్ణయాలు, నీ జాతకానికి నమస్కారం. సమంత, ఓ బేబీ రాక్స్.. ఎంతో హ్యాపీగా ఉంది. డైరెక్టర్ నందిని రెడ్డి, ఓ బేబీ టీం మొత్తానికి శుభాకాంక్షలు'' అని ట్వీట్ పెట్టింది ఛార్మి.

వెంటనే రియాక్ట్ అయిన సామ్.. ఏమందో చూడండి

ఛార్మి ఏ ఉద్దేశంగా ఆ ట్వీట్ పెట్టిందో అందరికీ అర్ధమయ్యే ఉంటుంది. సమంత టేకప్ చేస్తున్న ప్రాజెక్టులు గ్రేట్ అని, అలాగే ఆమెకు జాతకం కూడా బాగా కలిసొస్తుందని ఛార్మి ఉద్దేశం. దీంతో ఈ ట్వీట్ చూసిన సామ్.. వెంటనే రియాక్ట్ అవుతూ ''యువర్ ద క్యుటేస్ట్.. థాంక్యూ ఛార్మి.. లాట్ ఆఫ్ హగ్స్ అండ్ కిస్సెస్'' అంటూ మెసేజ్ పెట్టింది. వీరిద్దరి ఈ సంభాషణ సోషల్ మీడియాలో నెటిజన్లను ఆకట్టుకుంటోంది.

నటనకు గుడ్ బై చెప్పి నిర్మాతగా

వెండితెరపై అందాల తారగా కీర్తించబడిన ఛార్మి.. ఆ తర్వాత నటనకు గుడ్ బై చెప్పేసి నిర్మాతగా రాణిస్తోంది. డైరెక్టర్ పూరి జగన్నాథ్ తో కలిసి సినిమాలు నిర్మిస్తూ సక్సెస్ అవుతోంది. ఈ మేరకు పూరి జగన్నాథ్, ఛార్మి కలిసి నిర్మించిన కొత్త సినిమా ఇస్మార్ట్ శంకర్. ఎనర్జిటిక్ స్టార్ రామ్ హీరోగా తెరకెక్కిన ఈ సినిమా భారీ అంచనాలతో జులై 18న ప్రేక్షకుల ముందుకు రానుంది.

ఓ బేబీ మూవీ

సమంత లీడ్ రోల్‌లో నటించిన ఓ బేబీ సినిమాకు నందినీ రెడ్డి దర్శకత్వం వహించింది. చిత్రంలో లక్ష్మి, నాగశౌర్య, రావు రమేష్, రాజేంద్ర ప్రసాద్ ముఖ్య పాత్రల్లో నటించారు. 63 ఏళ్ళ యువతి లక్షణాలతో 24 ఏళ్ల పడుచు పిల్లలా సమంత నటించడం విశేషం.