పుష్పరాజ్‌గా అల్లుఅర్జున్ తగ్గేదేలే.. బన్నీకి చిరు బర్త్ డే విషెస్

పుష్ప టీజర్..

పుష్ప టీజర్ ఏ రేంజ్‌లో దూసుకుపోతోందో ప్రత్యేకంగా చెప్పనక్కర్లేదు. బన్నీ స్టైల్, ఆ యాక్షన్, రస్టిక్ లుక్ అన్నీ కూడా అదిరిపోయాయి. అన్నింటికంటే ముఖ్యంగా దేవీ శ్రీ ప్రసాద్ ఇచ్చిన బ్యాక్ గ్రౌండ్ స్కోర్ ఓ రేంజ్‌లో ఆకట్టుకుంది. తాజాగా చిరంజీవి బన్నీకి బర్త్ డే విషెస్ చెబుతూ పుష్ప గురించి మాట్లాడాడు.

బన్నీ బర్త్ డే..

బన్నీ బర్త్ డే (ఏప్రిల్ 8) సందర్బంగా విడుదల చేసిన పుష్ప టీజర్ క్లిక్ అవ్వడంతో మేకర్స్ హ్యాపీగా ఉన్నారు. అలా మొత్తానికి బన్నీ బర్త్ డేకు ఫ్యాన్స్‌ కోసం రెడీ చేసిన గిఫ్ట్ అందరినీ ఆకట్టుకుంది. ఇక సెలెబ్రిటీలు సైతం పుష్ప రాజ్‌గా బన్నీ చించేశాడని అంటున్నారు.

చిరు అలా..

చిరంజీవి తాజాగా బన్నీకి బర్త్ డే విషెస్ చెప్పాడు. అయితే ఊరికే పుట్టిన రోజు శుభాకాంక్షలు చెప్పకుండా పుష్ప టీజర్‌పై రివ్యూ కూడా ఇచ్చాడు. పుష్ప టీజర్ చూశాను. పుష్ప రాజ్‌గా అల్లు అర్జున్ తగ్గేదేలే అంటూ అదిరిపోయేలా ప్రశంసలు కురిపించాడు.

ఫ్యాన్స్ ఫైర్..

చిరంజీవి ఇలా బన్నీ గురించి ట్వీట్ వేయడం మాత్రం ఫ్యాన్స్‌కు నచ్చడం లేదు. నిన్నటి ఈవెంట్‌లో బన్నీ మెగా ఫ్యామిలీ మాట కూడా ఎత్తలేదు.. కనీసం చిరంజీవి గురించి ఒక్క మాట కూడా మాట్లాడలేదు.. పైగా ఆర్ఆర్ఆర్ సినిమాను మరిచిపోయాడని ఫ్యాన్స్ తెగ ట్రోల్ చేస్తున్నారు. అలాంటి బన్నీకి విషెస్ ఎందుకు చెబుతున్నారు అంటూ ఫ్యాన్స్ పెదవి విరుస్తున్నారు.

మరో వైపు అలా..

అయితే బన్నీ బర్త్ డే సందర్బంగా ఆయన పేరు ట్విట్టర్‌లో మోత మోగాలి. కానీ ట్విట్టర్ అకీరా నందన్ బర్త్ డే ట్రెండ్ అవుతోంది. జూనియర్ పవర్ స్టార్ అంటూ పవన్ కళ్యాణ్ అభిమానులు సందడి చేస్తున్నారు. అకీరా నందన్ ఇమేజ్‌ ఎలా ఉందో దీన్ని బట్టే తెలుస్తోంది.