నాగబాబు తిట్ల దండకం, పవన్ ఇష్యూ, చెర్రీ-మహేష్ స్నేహంపై.... చిరంజీవి స్పందన!

సురేఖ పవన్ ఇంటికి వెళ్లలేదు, మేం బాగానే ఉన్నా

ఖైదీ ప్రీరిలీజ్ ఫంక్షన్‌కు హీరో పవన్ కళ్యాణ్‌ను ఆహ్వానించేందుకు తన భార్య సురేఖ అతని ఇంటికెళ్లినట్టు ప్రచారం జరిగింది, అసలు పవన్ ఇంటికి తన భార్య సురేఖ ఎందుకు వెళుతుందని, ఇలాంటి ఆలోచనలు తమలో లేవని, మీకెందుకు వస్తాయని చిరంజీవి ప్రశ్నించారు. తామంతా బాగానే ఉన్నామని చిరంజీవి స్పష్టం చేసారు.

హర్టయ్యారు.

గతంలో తమ గురించి దర్శకుడు రామ్ గోపాల్ వర్మ చేసిన వ్యాఖ్యలు తనతో పాటు.. తన కుటుంబ సభ్యులు, ఫ్యాన్స్ అంతా హర్ట్ అయ్యామని చెప్పారు. కానీ, దీనిపై తాను ఎలాంటి భావన వ్యక్తం చేయలేదన్నారు. తనది చాలా సున్నిత మనస్తత్వమన్నారు చిరంజీవి.

నాగబాబు కామెంట్స్ మీద

అందరికీ నాలాగే సున్నిత మనస్తత్వం ఉండదు. ఒక్కొక్కరికి ఒక్కో రకమైన మనస్తత్వం ఉంటుంది, నాగబాబు నాలాగా సాఫ్ట్ కాదు.... అలా మాట్లాడటంలో తప్పులేదనేది నా భావన అని చిరంజీవి తెలిపారు. ఈ గొడవ ఎందుకు మొదలైంది, దానికి కారణం ఏమిటనే దానిపై స్పందించడానికి చిరంజీవి నిరాకరించారు చిరంజీవి.

బాలయ్యతో క్లాష్ పై

ప్రస్తుతం ఇండస్ట్రీలో ఆరోగ్యకరమైన వాతావరణం ఉంది. ఖైదీ నంబర్ 150, గౌతమిపుత్ర శాతకర్ణి చిత్రాలు ఒకేసారి విడుదల కావడంలో ఎలాంటి నష్టం లేద, అయినా ఇది కావాలని ఏర్పడ్డ పోటీ కాదు, యాదృచ్ఛికంగా ఒకేసారి విడుదలకు సిద్ధమయ్యాయని చిరంజీవి తెలిపారు.

మా ఫ్యామిలీ హీరోల మధ్య కూడా పోటీ ఉంది

ప్రతి రంగంలో పోటీ ఉంటుంది, సినిమా రంగంలోనూ అది ఉంటుంది. మా ఫ్యామిలీ హీరోల మధ్య కూడా పోటీ ఉంది. కానీ అది హెల్తీ కాంపిటీషన్. ఇతర హీరోలతోనూ తమకు హెల్తీ కాంపిటీషనే ఉందని చిరంజీవి తెలిపారు.

చెర్రీ-మహేష్ ఫ్రెండ్షిప్

నేటితరం యువ హీరోల మధ్య మంచి స్నేహ సంబంధాలు ఉన్నాయి. రామ్ చరణ్, మహేష్ బాబుల మధ్య ఫ్రెండ్‌షిప్ మధ్య మంచి స్నేహం ఉంది. ఇటీవలి వారిద్దరు విదేశాల్లో హాలిడే ట్రిప్‌ సందర్భంగా కలుసుకున్న విషయాన్ని చిరంజీవి ఈ సందర్భంగా గుర్తు చేసుకున్నారు.

అది వారి విజ్ఞతకే వదిలేస్తున్నా

సోషల్ మీడియాలో ఈ మధ్య కాలంలో సినిమా వారిపై, సినిమాలపై కొందరు దారుణమైన కామెంట్స్ చేస్తున్నారు. కొన్ని సందర్భాల్లో ఇలాంటివి చాలా గొడవల వరకువ వెలుతున్నాయి. దీనిపై చిరంజీవి స్పందిస్తూ... సోషల్ మీడియాలో కొన్ని కామెంట్స్ ఇతరులను హర్ట్ చేసే విధంగా ఉంటున్నాయి, నిజానిజాలు తెలుసుకోకుండా ఇష్టానుసారంగా ప్రవర్తిస్తున్నారు. ఇలాంటివి మంచిదా, కాదా అనేది వారి విజ్ఞతకే వదిలేస్తున్నానన్నారు.