మెగా అప్‌డేట్ : అంగీకరించిన రాజమౌళి.. తండ్రీ కొడుకు పాత్ర కాదు.. చిరు కామెంట్స్

ఓ స్పెషల్ క్యారెక్టర్..

ఆచార్య అంటూ నోరు జారి సినిమా టైటిల్‌ను అనౌన్స్ చేసేశాడు చిరంజీవి. ఈ మూవీలో మరో ముఖ్యమైన పాత్ర ఉందని, ఆ క్యారెక్టర్‌కు రామ్ చరణ్ అయితే బాగుంటుందనే ఆలోచనలో ఉంది చిత్రయూనిట్. మధ్యలో మహేష్ బాబును తీసుకున్నారని రూమర్స్ తెగ హల్చల్ అయ్యాయి. రెమ్యూనరేషన్ కూడా ఫిక్స్ అయిందని వార్తలు చక్కర్లు కొట్టాయి.

ఆ పేరు ఎలా వచ్చిందో..

అయితే తాజాగా ఓ మీడియాకు ఇచ్చిన ఇంటర్వ్యూలో మాట్లాడిన చిరు వీటిపై క్లారిటీ ఇచ్చాడు. అసలు మహేష్ బాబు పేరు ఎందుకు వచ్చిందో తమకు తెలియదని చెప్పుకొచ్చాడు. మొదటి నుంచి ఆ పాత్రకు రామ్ చరణ్‌ను తీసుకుందామనే ఆలోచనలోనే ఉన్నామని రూమర్స్‌కు పుల్ స్టాప్ పెట్టేశాడు.

అంగీకరించిన రాజమౌళి..

అయితే రాజమౌళి ఒప్పుకుంటేనే అది సాధ్యపడుతుందని తెలిపాడు. అయితే తాజాగా చిరు చెప్పిన సమాచారం మేరకు రాజమౌళి గ్రీన్ సిగ్నల్ ఇచ్చేశాడట. ఓ నెలరోజుల పాటు ఆర్ఆర్ఆర్‌ నుంచి రామ్ చరణ్‌కు బ్రేక్ ఇచ్చేందుకు జక్కన్న ఒప్పుకున్నాడట. ఇక రామ్ చరణ్ ఆచార్యలో కనిపించడమనేది ఫిక్స్.

Recommended Video

Akira Nandan Enormous Craze In Social Media

గురు శిష్యుల పాత్ర..

ఆచార్యలో రామ్ చరణ్ నటిస్తుండటం నిశ్చయం కావడంతో తమ పాత్ర తీరు తెన్నెలపైనా స్పందించాడు. ఇందులో తమది తండ్రీ కొడుకుల పాత్రలు కావని ఓ రకంగా గురు శిష్యుల సంబంధం లాంటిదని ఓ చిన్న హింట్ ఇచ్చాడు. మరి వీరిద్దరు కలిసి నటిస్తే అభిమానుల రియాక్షన్ ఎలా ఉంటుందో ఊహించడం కష్టమే.