రత్తాలు లవ్యూ టూ అంటూ: చిరంజీవి వీడియో సందేశం

మెగాస్టార్ చిరంజీవి

ఇందులో భాగంగా లక్ష్మీరాయ్‌కి, ‘జూలీ-2'‌ చిత్ర యూనిట్‌కు మెగాస్టార్ చిరంజీవి వీడియోలో బెస్ట్ విషెస్ తెలిపాడు అసలు మామూలుగానే తన పని తాను చేసుకుపోయే మెగాస్టార్ పర్సనల్ గా హెల్ప్ చేయటం లాంటివి తప్ప పెద్దగా ఇతరుల సినిమాలకి ప్రచారం చేసేలాంటి పని పెట్టుకోడు.

మెగాస్టార్‌

ఒక రకంగా ఈ జోక్యం చేసుకోని తనమే మెగాస్టార్‌ని ఇండస్ట్రీ లో వివాదరహితుడిగా ఉంచింది. కానీ ఇన్నాళ్ళకి రాయ్ లక్ష్మికి మాత్రం ఆ లక్ చిక్కింది. ఏకంగా ఒక వీడియో సందేశమే పంపాడు చిరు... ఇక రాయ్ లక్ష్మి ఆనందం ఏంటో మీకు ప్రత్యేకంగా చెప్పాల్సిన పనిలేదనుకుంటా...

హాయ్ రాయ్ లక్ష్మీ

వీడియోలో మాట్లాడిన చిరంజీవి రాయ్ లక్ష్మికీ, జూలీ 2 టీమ్‌కీ శుభాకాంక్షలు చెప్పాడు. ‘హాయ్ రాయ్ లక్ష్మీ. బాలీవుడ్‌లో నీ మొదటి సినిమా విడుదలకానున్న సందర్భంగా నా హృదయపూర్వక శుభాకాంక్షలు. ఈ సినిమా నీకు చాలా ప్రత్యేకమైనదని తెలుసు. నీ సినిమా కెరియర్‌లో ఇది 50వ చిత్రం.

గుడ్ లక్ టు జూలీ 2

నీలో ఉన్న టాలెంట్‌ని, నీలో దాగిఉన్న శక్తిని ఈ సినిమా బయటపెడుతుందని నేను నమ్ముతున్నాను. ఇంకా ఎన్నో ఉన్నత శిఖరాలను అందుకోవాలని కోరుకుంటున్నాను. జూలీ 2 విడుదల సందర్భంగా మరొక్కసారి నీకు శుభాకాంక్షలు. గుడ్ లక్ టు జూలీ 2. లవ్ యు టు..'' అన్నారు.

ఓ మై గాడ్

చిరు నుండి ఈ శుభాకాంక్షలు అందుకున్న రాయ్ లక్ష్మీ ఆనందంతోనిండిన ఆశ్చర్యాన్ని వ్యక్తపరుస్తూ ట్వీట్ చేసింది. "ఓ మై గాడ్, నిజంగా మీ దీవెనలు నా హృదయాన్ని హత్తుకున్నాయి. ఇది నా జీవితంలోనే గొప్ప బహుమతిగా భావిస్తున్నాను. చాలా చాలా ధన్యవాదాలు చిరంజీవి గారూ.., మీ దీవెనలను గౌరవంగా స్వీకరిస్తున్నా. మీరిచ్చిన ఈ ఉత్సాహంతో మీ రత్తాలు సర్‌ప్రైజ్ అయింది. లవ్ యు..సార్"అంటూ తెగ మురిసిపోతూ ట్విట్టర్ లో పోస్ట్ చేసింది.