సోషల్ మీడియాలో చిరంజీవి బ్లడ్ బ్యాంక్!

హైదరాబాద్: మెగా స్టార్ చిరంజీవి స్థాపించిన బ్లడ్ బ్యాంక్ అండ్ ఐ బ్యాంక్ గత కొన్నేల్లుగా సేవా కార్యక్రమాలు నిర్వహిస్తున్న సంగతి తెలిసిందే. మెగా అభిమానులు అండదండలతో విజయవంతంగా సాగుతున్న ఈ ఆర్గనైజేషన్ తాజాగా సోషల్ మీడియాలోకి ఎంటరైంది.

ప్రస్తుతం సోషల్ మీడియాలో ఫేస్ బుక్ ఆరదణ ఎక్కవగా ఉండటంతో......మెగా ప్రొడ్యూసర్ అల్లు అరవింద్, మెగా బ్రదర్ నాగ బాబు ఆధ్వర్యంలో చిరంజీవి ఐ అండ్ బ్లడ్ బ్యాంక్ సోషల్ మీడియా పేజీని ప్రారంభించారు. చిరంజీవి ఐ అండ్ బ్లడ్ బ్యాంకు ఆధ్వర్యంలో నిర్వహించే కార్యక్రమాలు ఎప్పటి కప్పుడు తెలుసుకునేందుకు ఈ సోషల్ మీడియా పేజ్ దోహదం కానుంది.

ఈ సందర్భంగా అల్లు అరవింద్, నాగ బాబు ట్విట్టర్ ద్వార అభిమానులకు సందేశం పంపారు. 'డియర్ బ్లడ్ బ్రదర్స్, ఫేస్ బుక్ పేజ్ ఓపెన్ చేయాలనే ఆలోచన చేసిన అభిమానులకు/బ్లడ్ బ్రదర్స్ కు వ్యక్తిగతంగా థాంక్స్ చెబుతున్నాను. ఇక నుండి కొత్త ప్రయాణం ప్రారంభమైంది. ఆల్ ది బెస్ట్' అని అల్లు అరవింద్ ట్వీట్ చేసారు.

'డియర్ ఫ్యాన్స్, బ్లడ్ డోనర్స్ అండ్ వెల్ విషర్స్. ఐ అండ్ బ్లడ్ బ్యాక్ ఫేస్ బుక్ పేజీ ఓపెన్ చేయడం చాలా సంతోషంగా ఉంది. బ్లడ్ బ్యాంక్ సేవలు మరింత విస్తరించడానికి ఇది దోహద పడుతుంది. అందరికీ థాంక్స' అంటూ నాగ బాబు ట్వీట్ చేసారు.