అనుష్కని చిరంజీవి గుర్తు పట్టలేదా?

'పంచాక్షరి సినిమాకి సంబంధించిన ట్రైలర్స్‌ను చిరంజీవిగారు చూసి "ఎవరీ అమ్మాయి, బాగుంది..అని అన్నారని తెల్సింది. దాన్ని బట్టి నా గెటప్‌ ఆ చిత్రంలో వినూత్నంగా ఉందనడానికి అదొక నిదర్శనంగా చెప్పొచ్చు అంటోంది అనుష్క. ఇదివిన్న వారు మరీ బడాయి కాకపోతే అనుష్కని గుర్తు పట్టలేనంతలా మేకప్ చేసుకుందా లేక చిరంజీవే మర్చిపోయారా అని మాట్లాడుకుంటున్నారు. ఇక ఈ చిత్రం గురించి మాట్లాడుతూ... పంచాక్షరిలాంటి సినిమా, అందులోని కేరక్టరు అరుదుగా వస్తుంటాయి. ఈ పాత్రలో నేను చాలా కొత్తగా కనిపించాను. ఈ మొన్నటి వరకు 'అరుంధతి అనుష్క అన్నారు. ఇప్పుడు నన్ను 'పంచాక్షరి అంటున్నారు. ఈ ఇమేజ్‌ని భవిష్యత్‌ లో ఏ సినిమా బ్రేక్‌ చేస్తుందో చూద్దాం అంటోంది. అయితే పంచాక్షరి చిత్రం ఇప్పటికే ఫ్లాఫ్ టాక్ తెచ్చుకుని కలెక్షన్స్ డ్రాప్ అయ్యి కూర్చుంది.